Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

ANG BANTAYANANG TORRE (TUN-ANANG EDISYON) ENERO 2014

Sila Kinabubut-ong Nagtanyag sa Ilang Kaugalingon—Sa West Africa

Sila Kinabubut-ong Nagtanyag sa Ilang Kaugalingon—Sa West Africa

SAMTANG nagdako sa usa ka pobreng dapit sa Côte d’Ivoire, si Pascal nangandoy ug mas maayong kinabuhi. Ingong amatyur nga boksingero, siya naghunahuna, ‘Asa kaha ko dunay tsansa nga mosikat ug madato?’ Sa mga 25 anyos siya, nakadesisyon siyang moadto sa Europe. Kay way mga dokumento sa pagbiyahe, ilegal siyang mosulod sa Europe.

Sa 1998, sa edad nga 27, gisugdan ni Pascal ang iyang biyahe. Siya mitabok sa utlanan paingon sa Ghana, dayon mibiyahe sa Togo ug Benin, ug sa kataposan nakaabot sa lungsod sa Birni Nkonni sa Niger. Apan ang labing peligrosong bahin sa iyang panaw magsugod pa lang. Aron makaabot sa amihanan, kinahanglan siyang mosakayg trak ug motabok sa Sahara Desert. Dayon inig-abot sa Mediteranyo, mosakay siyag barko paingon sa Europe. Kadto ang iyang plano, apan wala siya madayon kay may duha ka butang nga nakapugong niya sa Niger.

Una, nahutdan siyag kuwarta. Ikaduha, iyang nakaila si Noé, ang payunir nga nag-Bible study niya. Natandog kaayo siya sa iyang nakat-onan ug nausab ang iyang panglantaw sa kinabuhi. Ang iyang materyal nga mga tumong napulihag espirituwal nga mga interes. Si Pascal nabawtismohan sa Disyembre 1999. Agig pasalamat kang Jehova, siya nagpayunir niadtong 2001 sa Niger—sa mismong lungsod diin nakat-onan niya ang kamatuoran. Unsay gibati niya sa iyang pag-alagad? Siya miingon, “Akong napahimuslan ang labing maayong kinabuhi!”

MAS MALIPAYONG KINABUHI—SA AFRICA

Anne-Rakel

Sama kang Pascal, daghan ang miingon nga mas malipayon sila dihang nagpokus sila sa espirituwal nga mga tumong. Aron makab-ot kana, ang uban mibiya sa Europe ug mibalhin sa Africa aron moalagad sa dapit nga mas dako ang panginahanglan sa mga magmamantala sa Gingharian. Gani, mga 65 ka Saksi sa Europe—nag-edad ug 17 hangtod 70—ang mibalhin sa mga nasod sa West Africa sama sa Benin, Burkina Faso, Niger, ug Togo. * Sila sagad gitawag nga “need greaters” (mga boluntaryo sa dapit nga mas dako ang panginahanglan). Unsay nakadasig nila nga mobalhin, ug unsay resulta?

Si Anne-Rakel nga taga-Denmark miingon: “Ang akong mga ginikanan misyonaryo kaniadto sa Senegal. Sadya silang mag-estorya kanunay bahin sa ilang pagmisyonaryo, maong gusto sab nako nang masinati.” Mga 15 ka tuig sa miagi, dihang si Anne-Rakel kapig 20 anyos, siya mibalhin sa  sign language nga kongregasyon sa Togo. Sa unsang paagi kini nakadasig sa uban? Siya miingon: “Sa ulahi, ang akong manghod nga babaye ug lalaki mibalhin sab sa Togo.”

Albert-Fayette ug Aurele

Si Aurele, 70 anyos nga minyong brader sa France, miingon: “Lima ka tuig sa miagi, dihang pensiyonado na ko, duna koy kapilian: magpuyong malinawon sa France ug maghulat nga moabot ang Paraiso o magpalapad sa akong ministeryo.” Gipili ni Aurele ang ikaduha. Mga tulo ka tuig sa miagi, siya ug ang iyang asawa nga si Albert-Fayette mibalhin sa Benin. “Ang pag-alagad kang Jehova dinhi mao ang labing maayo namong nahimo,” matod ni Aurele. Siya mipahiyom ug midugang, “Gani, may mga teritoryo mi ubay sa baybayon nga morag Paraiso.”

Si Clodomir ug ang iyang asawa nga si Lysiane mibalhin gikan sa France ngadto sa Benin 16 ka tuig na ang milabay. Sa sinugdan, gimingaw sila pag-ayo sa ilang pamilya ug mga higala sa France, ug nabalaka nga basig dili makapasibo sa ilang bag-ong kinabuhi. Apan dili ra diay sila angayng mabalaka. Gani malipayon kaayo sila. “Sulod sa 16 ka tuig,” matod ni Clodomir, “nakatabang mig labing menos usa ka tawo kada tuig nga modawat sa kamatuoran.”

Si Lysiane ug Clodomir uban sa pipila nga natabangan nilang makakat-on sa kamatuoran

Johanna ug Sébastien

Si Sébastien ug Johanna, magtiayong taga-France, mibalhin sa Benin niadtong 2010. “Daghan kaayog buluhaton sa kongregasyon,” matod ni Sébastien. Tungod niana, dali kaayo silang nakakat-on. Komosta ang ilang ministeryo? Si Johanna miingon: “Ang mga tawo uhaw sa kamatuoran. Bisag dili tingsangyaw, moduol namo ang mga tawo diha sa dalan aron mangutana bahin sa Bibliya ug mangayog mga publikasyon.” Unsay epekto sa ilang pagbalhin diha sa ilang panagtiayon? Si Sébastien miingon: “Mas milig-on ang among relasyon. Makapalipay ang pagsangyaw tibuok adlaw uban sa akong asawa.”

Si Eric ug ang iyang asawa nga si Katy nagpayunir sa amihanang Benin diin diyutay ra ang namuyo. Mga napulo ka tuig sa miagi, samtang nagpuyo pa sa France, gisugdan nilag basa ang mga artikulo bahin sa pag-alagad sa mga dapit nga mas dako ang panginahanglan ug nakig-estorya sa mga igsoong bug-os panahong nag-alagad. Sila nadasig nga mobalhin sa laing nasod niadtong 2005. Makapahingangha ang pag-uswag nga ilang nakita. Matod ni Eric: “Sa miaging duha ka tuig, ang among grupo sa Tanguiéta dunay 9 ka magmamantala; karon 30 na. Sa Dominggo, mga 50 hangtod 80 ang motambong  sa tigom. Dili gyod ikatandi ang kalipay nga makita ang maong pag-uswag!”

Katy ug Eric

SAYRA UG BUNTOGA ANG MGA HAGIT

Benjamin

Unsang mga hagit ang giatubang sa ubang “need greaters”? Ang 33 anyos nga si Benjamin maoy igsoon ni Anne-Rakel. Niadtong 2000 sa Denmark, iyang nakaila ang usa ka misyonaryo sa Togo. Si Benjamin nahinumdom: “Dihang akong gisultihan ang misyonaryo nga gusto kong magpayunir, siya miingon: ‘Abi nimo, puwede kang magpayunir sa Togo.’” Gihunahuna kini ni Benjamin. Matod niya: “Wala pa koy 20 anyos niadtong panahona, apan ang akong duha ka igsoong babaye nag-alagad na sa Togo. Maong dali para nako nga moadto didto.” Busa siya mibalhin. Pero duna gihapoy hagit. Si Benjamin miingon: “Dili ko makamaog French, maong nalisdan ko sa unang unom ka bulan.” Apan sa ngadto-ngadto, nakakat-on ra siya. Karon si Benjamin nag-alagad sa Bethel sa Benin, nga naghatod ug mga literatura ug nagtabang sa computer department.

Marie-Agnès ug Michel

Si Eric ug Katy, nga gihisgotan ganina, nagsangyaw sa mga langyaw sa France sa wala pa mobalhin sa Benin. Sa unsang paagi lahi ang West Africa? Si Katy miingon: “Lisod mangitag maayong puy-anan. Sa pipila ka bulan, nagpuyo mi sa balay nga way koryente ug tubig.” Si Eric midugang: “Bisag tungang gabii na, kusog gihapon kaayo ang musika sa among silingan. Kinahanglan gyod kang magpailob ug andam mo-adjust.” Pero sila miingon: “Ang bisan unsang kalisdanan wala ra kon itandi sa among kalipay sa pag-alagad sa teritoryong halos wala pa masangyawi.”

Si Michel ug Marie-Agnès, magtiayong taga-France nga halos 60 anyos, mibalhin sa Benin mga lima ka tuig sa miagi. Sa primero, sila nabalaka. Matod ni Michel: “Para sa uban, ang among pagbalhin maoy sama sa tawo nga naglatay sa pisi samtang nagtulod ug wheelbarrow—ug kami ang nagsakay niana! Kon wala ka mahibalo nga si Jehova ang naglatay sa pisi, mahadlok gyod ka. Busa mibalhin mi alang ug uban kang Jehova.”

KON UNSAON NIMO PAGPANGANDAM

Matod niadtong nakaalagad sa mga teritoryong mas dako ang panginahanglan, importanteng andamon ang kaugalingon pinaagi niini nga mga lakang: Pagplano daan. Andam mo-adjust. Ayawg lapas sa badyet. Salig kang Jehova.Luc. 14:28-30.

Si Sébastien, nga gihisgotan ganina, miingon: “Sa wala pa mi mobalhin, duha ka tuig ming nagtigom ni Johanna. Wala na mi magsigeg gasto sa kalingawan ug wala mi mamalit ug mga butang nga wala kinahanglana.” Aron padayong makaalagad sa laing  nasod, motrabaho sila sa Europe ug pipila ka bulan matag tuig, dayon magpayunir sa Benin sa ubang bulan.

Marie-Thérèse

Si Marie-Thérèse maoy usa sa mga 20 ka dili minyong sister nga mibalhin sa West Africa. Drayber siyag bus sa France. Pero sa 2006, nag-leave siyag usa ka tuig aron magpayunir sa Niger. Wala madugay, iyang naamgohan nga kini ang kinabuhi nga gusto kaayo niya. Matod ni Marie-Thérèse: “Pagbalik nako sa France, mihangyo ko sa akong amo nga usbon ang akong eskedyul sa trabaho, ug misugot siya. Karon, gikan Mayo hangtod Agosto, magdrayb kog bus sa France, ug gikan Septiyembre hangtod Abril, magpayunir ko sa Niger.”

Saphira

Kadtong “magpadayon sa pagpangita pag-una sa gingharian” makasalig nga si Jehova motagana kanila sa ubang gikinahanglang butang. (Mat. 6:33) Sa pag-ilustrar: Tagda ang nahitabo kang Saphira, dili minyong sister sa France nga hapit nang mag-30 anyos ug nagpayunir sa Benin. Sa 2011, mibalik siya sa France para makatigom ug kuwarta nga magamit niya sa pag-alagad sa Africa sa sunod tuig (ikaunom niyang tuig). Si Saphira miingon: “Biyernes kadto, ug kataposang adlaw na sa akong trabaho. Pero kinahanglan kong motrabahog napulo pa ka adlaw aron may igong kuwarta pagkasunod tuig. Duha na lang ka semana, ug mobiya na ko sa France. Nag-ampo ko kang Jehova bahin sa akong situwasyon. Wala madugay, gitawgan ko sa usa ka employment agency ug nangutana kon makapuli ko sa usa ka trabahante sulod sa duha ka semana.” Pagka-Lunes, mireport si Saphira sa trabaho aron mabansay sa trabahante nga iyang pulihan. Matod niya: “Wa ko magdahom nga sister diay ang akong pulihan, nga kinahanglang mobakasyon ug napulo ka adlaw aron moeskuyla sa Pioneer Service School! Mosugot lang ang iyang amo nga mobakasyon siya kon may mopuli niya. Miampo usab siya kang Jehova—sama nako.”

TINUBDAN SA TINUOD NGA KALIPAY

Ang pipila nga dugay nang nagboluntaryo sa West Africa didto na nagpuyo. Ang uban mipuyo lag pipila ka tuig ug dayon mibalik sa ilang nasod. Apan bisan karon, nakabenepisyo gihapon ang kanhing mga “need greaters.” Ilang nakat-onan nga ang tinuod nga kalipay naggikan sa pag-alagad kang Jehova.

^ par. 6 Ang sangang buhatan sa Benin maoy nagdumala sa buluhaton niining upat ka nasod, diin French ang pinulongan.

Pagkat-og Dugang

Unsa nga mga Tunghaan ang Gitagana Para sa mga Payunir?

Unsang espesyal nga pagbansay ang gitagana para sa mga payunir nga bug-os panahon sa pagsangyaw?