Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

ANG BANTAYANANG TORRE (TUN-ANANG EDISYON) HULYO 2013

“Kanindot sa Hulagway!”

“Kanindot sa Hulagway!”

Kadaghan ka na ba nakaingon niana inigpakli nimo sa bag-ong gula niining magasina? May katuyoan kon nganong gihagoan pag-andam ang nindot nga mga hulagway. Kini makatandog sa atong kasingkasing ug makatabang kanato sa paghunahuna. Kini ilabinang makatabang sa atong pagpangandam ug sa pagkomento sa Pagtuon sa Bantayanang Torre.

Pananglitan, hunahunaa kon nganong ang unang hulagway sa matag tun-anang artikulo maoy gipiling gamiton. Unsay gipakita niini? Unsay koneksiyon niini sa ulohan sa artikulo o sa temang teksto? Sa matag hulagway, hunahunaa kon unsay koneksiyon niini sa gihisgotan sa artikulo ug sa imong kinabuhi.

Angayng hatagag higayon sa konduktor sa Pagtuon sa Bantayanang Torre ang mga igsoon sa pagkomento sa matag hulagway. Mahimo nilang ipatin-aw kon unsay koneksiyon niini sa gitun-an o kon sa unsang paagi kini nakaapektar kanila. Sa pipila ka hulagway, makita diha sa kapsiyon ang numero sa parapo diin gihisgotan ang punto niini. Sa kapsiyon sa hulagway nga walay gihatag nga numero sa parapo, ang konduktor maoy mopili kon asa nga parapo mas maayo kining hisgotan. Pinaagi niini, ang tanan bug-os makabenepisyo sa mga hulagway aron mahanduraw sa magbabasa ang mga leksiyon gikan sa Pulong sa Diyos.

Usa ka brader miingon, “Human nako mabasa ang usa ka nindot nga artikulo, makaingon ko nga ang mga hulagway samag icing sa cake.”

Pagkat-og Dugang

PAGHIMOG MGA PUBLIKASYON

Kon Giunsa Pagkuhag mga Letrato nga Mohaom sa Artikulo

Sa unsang paagi gikuha sa among mga photographer ang mga letrato nga makapanindot sa among mga publikasyon, nga mohaom sa artikulo?