Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

ANG BANTAYANANG TORRE (TUN-ANANG EDISYON) SEPTIYEMBRE 2016

Pahimusli ang Giya ni Jehova

Pahimusli ang Giya ni Jehova

MAALAMONG PAGPILI DIDTO SA POLAND

“KINSE anyos ko dihang nabawtismohan, ug unom ka bulan sa ulahi nag-oksilyare payunir ko. Human sa usa ka tuig, miaplay ko ingong regular payunir. Paggraduwar nako sa hayskul, mihangyo ko nga moalagad sa dapit diin gikinahanglan ang dugang magwawali sa Gingharian. Gusto kong mohawa sa among dapit ug mahilayo sa akong dili Saksing lola nga kauban nakog puyo. Pero puwerte nakong guola dihang giingnan ko sa tigdumala sa sirkito nga ang akong asaynment mao mismo ang lungsod nga akong natawhan. Wala nako siya sultii sa akong gibati. Milakaw ko nga nanghuyhoy ang abaga ug namalandong sa iyang gisulti. Giingnan nako akong partner: ‘Mora man ko anig si Jonas. Pero si Jonas miadto ra sa Nineve. Busa, moalagad sab ko kon diin ko giasayn.’

“Upat ka tuig na kong nagpayunir sa among lungsod, ug nakita nako nga maalamon gyod ang pagsunod sa instruksiyon. Ang akong pagkanegatibo maoy pangunang babag kaniadto. Karon malipayon na kaayo ko. Sa usa ka bulan, nakadumala kog 24 ka Bible study. Sa tabang ni Jehova, nasugdan pa gani nakog pagtuon ang akong lola nga kanhing magsusupak.”

MAKAPALIPAYNG RESULTA SA FIJI

Usa ka Bible study sa Fiji ang kinahanglang mopili kon motambong ba siya sa kombensiyon o mokuyog sa iyang bana sa adlawng natawhan sa usa ka paryente. Ang bana misugot nga motambong siyag kombensiyon. Miingon ang asawa nga moapas siya sa selebrasyon inigkahuman sa kombensiyon. Pero pagpauli niya gikan sa kombensiyon, gibati niya nga mas maayong molikay sa situwasyon nga makapameligro sa iyang espirituwalidad, busa wala siya moadto.

Sa kasamtangan, dihang giingnan sa bana ang iyang mga paryente nga gihangyo niya ang iyang asawa nga moapas human sa “tigom sa mga Saksi,” sila mitubag, “Dili to siya moari; ang mga Saksi ni Jehova dili magsaulog ug adlawng natawhan!” *

Tungod niana, mapasigarbohon kaayo ang bana nga mibarog ang iyang asawa base sa pagtuo ug konsensiya niini. Sa ulahi, tungod sa pagkamatinumanon sa asawa, nakasangyaw siya sa iyang bana ug sa uban. Unsay resulta? Ang bana midawat ug pagtuon sa Bibliya ug misugod pagtambong sa mga tigom uban sa iyang asawa.

^ par. 7 Tan-awa ang “Mga Pangutana Gikan sa mga Magbabasa” sa Bantayanang Torre sa Disyembre 15, 2001.