Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

ANG BANTAYANANG TORRE (TUN-ANANG EDISYON) DISYEMBRE 2016

Nahinumdom Ka Ba?

Nahinumdom Ka Ba?

Nabasa ba nimog maayo ang bag-ong mga gula sa Ang Bantayanang Torre? Sulayi kon makatubag ka sa mosunod nga mga pangutana:

Unsang matanga sa sala ang gihisgotan ni Jesus diha sa tambag sa Mateo 18:15-17?

Siya naghisgot bahin sa sala nga puwedeng husayon tali sa mga indibiduwal nga nalangkit. Apan ang sala mahimong mosangpot sa pagpalagpot kon dili mahusay. Pananglitan, ang sala tingali naglakip sa pagbutangbutang, o pagpanikas.—w16.05, p. 7.

Sa unsang paagi mahimong mapuslanon ang imong pagbasa sa Bibliya?

Puwede nimong buhaton ang mosunod: Pagbasa uban ang bukas nga hunahuna, nga mangitag mga leksiyon nga ikapadapat; pangutan-a ang kaugalingon, ‘Unsaon nako paggamit kini nga impormasyon sa pagtabang sa uban?’; ug gamita ang mga himan nga mabatonan sa pagpanukiduki sa topiko nga imong nabasa.—w16.05, p. 24-26.

Sayop ba alang sa usa ka Kristohanon nga magbangotan bisag nagtuo siya sa pagkabanhaw?

Bisag nagtuo ang usa ka Kristohanon sa pagkabanhaw, maguol gihapon siya kon mamatyan. Si Abraham nagbangotan dihang namatay si Sara. (Gen. 23:2) Paglabay sa panahon, dili na kaayo bug-at ang bation sa usa.—wp16.3, p. 4.

Kinsay gisimbolohan sa tawo nga may tintiro sa sekretaryo, nga gihisgotan sa Ezequiel kapitulo 9, ug sa unom ka tawo nga may mga hinagiban?

Atong nasabtan nga sila naghulagway sa langitnong kasundalohan nga nalangkit sa kalaglagan sa Jerusalem ug malangkit usab sa kalaglagan panahon sa Armagedon. Sa modernong katumanan, ang tawo nga may tintiro nagrepresentar kang Jesu-Kristo, ang usa nga magmarka niadtong pagaluwason.—w16.06, p. 16-17.

Ang Bibliya napreserbar bisan pa sa unsang mga kapeligrohan?

Kini napreserbar bisan pag (1) gisulat kini sa madunot nga mga materyales, sama sa papiro ug pergamino; (2) gusto kining wagtangon sa mga lider sa politika ug relihiyon; ug (3) gisulayan sa pipila nga usbon ang mensahe niini.—wp16.4, p. 4-7.

Unsay mahimo sa usa ka Kristohanon aron mapasimple ang kinabuhi?

Ilista ang mga butang nga imong gikinahanglan, ug ayaw pamalit ug mga butang nga wala kinahanglana. Paghimog realistikong badyet. Ibaligya, ihatag, o ilabay ang mga butang nga dili na gamiton, ug bayri ang imong mga utang. Pangitag part-time nga trabaho, ug pagplano kon unsaon pagpauswag ang imong ministeryo.—w16.07, p. 10.

Unsay giingon sa Bibliya nga mas bililhon pa kay sa bulawan o plata?

Gipakita sa Job 28:12, 15 nga ang diyosnong kaalam labaw pa sa bulawan o plata. Samtang mangita ka niini, paningkamoti nga magpabilin kang mapainubsanon ug lig-on sa pagtuo.—w16.08, p. 18-19.

Haom ba sa mga brader karon ang pagpatubog bungot?

Sa pipila ka kultura, ang hinlong pagkakorte nga bungot tingali dalawaton ug dili makapugong sa mga tawo sa pagpamati sa mensahe sa Gingharian. Bisan pa niana, ang pipila ka brader tingali modesisyon nga dili magpatubog bungot. (1 Cor. 8:9) Sa ubang kultura ug lugar, ang pagpatubog bungot dili dalawaton alang sa Kristohanong mga ministro.—w16.09, p. 21.

Nganong makasalig ta sa asoy sa Bibliya bahin kang David ug Goliat?

Si Goliat mas taas lang ug 15 sentimetros kay sa kinatas-ang tawo nga narekord sa modernong panahon. Si David tinuod gyod nga tawo, nga gipamatud-an sa karaang mga kinulit nga naghisgot bahin sa balay ni David ug si Jesus naghisgot bahin kaniya. Ang mga detalye bahin sa mga lugar nga gihisgotan mapamatud-an karon.—wp16.5, p. 13.

Sa unsang paagi magkalahi ang kahibalo, pagsabot, ug kaalam?

Ang tawong may kahibalo magtigom ug impormasyon. Makita sa usa nga may pagsabot ang kalabotan sa usa ka impormasyon ngadto sa lain. Apan ang tawong may kaalam makakombinar sa kahibalo ug pagsabot, ug makapadapat niana.—w16.10, p. 18.