Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

PAGMATA! NUM. 5 2016

 PAGPANIID SA KALIBOTAN

Bahin sa Kontinente sa America

Bahin sa Kontinente sa America

Ang mga balita sa Western Hemisphere nagpakita sa bili sa walay paglubad nga kaalam sa Bibliya.

Menosi ang Tensiyon—Dili Magsigeg Tan-awg E-mail?

Ang mga tawo dili kaayo matensiyon kon motan-aw sila ug e-mail tulo lang ka beses sa usa ka adlaw imbes daghang beses, sumala sa research nga gihimo sa Vancouver, Canada. Si Kostadin Kushlev, nga maoy nanguna niini nga pagtuon, nag-ingon bahin sa ilang naobserbahan: “Ang mga tawo dili makapugong sa pagtan-aw sa ilang email, pero kon dili sila magsigeg tan-aw niini, ang ilang tensiyon mamenosan.”

PALANDONGA: Kita nagkinabuhi na sa “makuyaw nga mga panahong lisod sagubangon,” busa dili ba kinahanglang mangita kitag mga paagi sa pagpamenos sa tensiyon?—2 Timoteo 3:1.

Nakabawi Gikan sa Sobrang Pagpangisda

“Nakita sa pagsusi nga nanaghan ang mga kinhason, banagan ug mga isda sa protektadong mga bahin sa kadagatan” sa Belize ug sa ubang dapit sa Caribbean, matod sa report ngadto sa Wildlife Conservation Society (WCS). Kini usab nag-ingon: “Mga 1-6 ka tuig ang gikinahanglan aron managhan ug balik ang hapit nang mapuo nga mga linalang diha sa protektadong parte sa kadagatan, pero aron bug-os kining maulian, daghang tuig pa ang gikinahanglan.” Si Janet Gibson, program director sa WCS, nag-ingon bahin sa Belize: “Klaro nga ang protektadong mga bahin sa kadagatan makatabang sa pagpadaghag balik sa mga linalang sa dagat sa nasod.”

PALANDONGA: Ang mga linalang dunay katakos nga makabawi gikan sa pagkadaot, busa dili ba ebidensiya kini nga dunay maalamong Maglalalang?—Salmo 104:24, 25.

Krimen sa Brazil

Nagkadaghan ang krimen sa Brazil, sumala sa report sa Agência Brasil. Sa 2012, ang mga kaso sa pagpatay milabaw sa 56,000—ang kinatas-ang tinuig nga ihap sa pagpatay nga narekord sukad sa Ministry of Health. Ang eksperto sa public security nga si Luís Sapori nagtuo nga ang pag-uswag sa krimen maoy tungod sa ubos nga moralidad sa tawo. Kon ang mga tawo mawad-an nag pagtahod sa mga balaod sa nasod, “sila mohimog bayolenteng mga buhat aron masunod ang ilang gusto,” siya miingon.

NAHIBALO KA BA? Ang Bibliya nagtagna sa panahon nga ang gugma “mobugnaw” ug ang pagkadaotan mouswag.—Mateo 24:3, 12.