Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

PAGMATA! NUM. 1 2017

 GIDISENYO BA KINI?

Ang Panagang sa Kainit sa Saharan Silver Ant

Ang Panagang sa Kainit sa Saharan Silver Ant

ANG Saharan silver ant maoy usa sa mga insekto nga makasugakod sa grabeng kainit. Tungod sa grabeng kainit sa udtong tutok sa Sahara, ang ilang mga manunukob mangitag landong nga kapasilongan, busa ang mga hulmigas magdalidalig panggawas sa ilang lungag sa pagpangitag pagkaon, mga insekto nga nangamatay sa grabeng kainit.

[50] μm

Hunahunaa: Ang silver ant dunay panagang sa init nga gilangkoban ug talagsaong mga balhibo diha sa ibabaw ug sa kilid nga bahin sa ilang lawas ug sa ilalom nga bahin niini nga walay balhibo. Ang mga balhibo, nga nagpagilakgilak sa hulmigas, maoy gigming nga mga tubotubo nga trayanggulog porma. Ang duha ka kilid niini nga balhibo nga trayanggulo giringgiringon, samtang ang ilalom hamis. Kini nga pagkadisenyo duhay gamit. Una, tungod sa porma sa mga balhibo, mapabanda niini ang kahayag sa adlaw. Ikaduha, kini makatabang sa hulmigas sa pagpahungaw sa kainit sa lawas nga nasuhop gikan sa palibot. Kasamtangan, ibanda sa ilalom nga bahin sa lawas sa hulmigas ang radyasyon o kainit gikan sa balas sa desyerto. *

[10] μm

Ang panagang sa kainit sa Saharan silver ant makatabang sa insekto sa paghupot sa hustong temperatura sa lawas nga dili mosaka sa kainiton nga maagwanta niini—53.6 grado Celsius. Kay nadasig niana nga insekto, ang mga tigpanukiduki misulay sa pag-imbentog espesyal nga mga coating nga makapabugnaw nga dili na kinahanglang mogamit pag electric fan o ubang gamit.

Unsay imong hunahuna? Ang panagang sa kainit sa Saharan silver ant mitungha ba pinaagig ebolusyon? O kini ba gidisenyo?

^ par. 4 Ang talagsaong kinaiyahan nga makatabang sa silver ant mao ang espesyal nga mga protina sa lawas nga dili daling matunaw sa grabeng kainit, tag-as nga mga tiil nga makapalayo sa lawas niini gikan sa init nga balas ug makapakusog sa pagdagan, ug talagsaon ug abilidad kon bahin sa pagpangitag hustong direksiyon nga kaagian, nga makatabang niini sa pag-agi sa kinaduolang ruta balik sa lungag.

Pagkat-og Dugang

LIBRO UG BROSYUR

Gilalang ba ang Kinabuhi?

Hinungdanon kon unsay imong tuohan kon sa unsang paagi nagsugod ang kinabuhi.