Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

PAGMATA! DISYEMBRE 2015

 PAGPANIID SA KALIBOTAN

Bahin sa Europe

Bahin sa Europe

Kaniadto, ang Europe relihiyoso kaayo, pero karon dili na. Apan ang balita dili pa dugay gikan sa Europe dunay koneksiyon sa giingon sa Bibliya nga tingali makapatingala kanimo.

Benepisyo sa Tingog sa Inahan

Ang mga tigdukiduki sa Milan, Italy, nag-ingon nga ang mga masuso nga gipanganak nga kulang ug bulan makakuhag daghang benepisyo sa panglawas kon padunggon sa tingog sa ilang inahan pinaagig instrumento nga itaod diha sa pulso sa masuso samtang naa sa ospital. Gisundog niini nga teknik ang pagpadungog sa masuso sa tingog sa iyang inahan samtang diha pa sa tagoangkan. “Ang pagpadungog sa tingog sa inahan,” sumala sa nadiskobrehan sa pagpanukiduki, “maayog epekto sa mga masuso nga gipanganak nga kulang ug bulan.”

ANG GIINGON SA BIBLIYA: “Gialam-alaman ko ug gipahilom ko ang akong kalag sama sa usa ka batang gilutas . . . sa iyang inahan.”—Salmo 131:2.

Pagpadakog Bata nga Mahimong Sobra ka Bilib sa Kaugalingon?

Nakita sa pagtuon diha sa 565 ka bata sa Netherlands, nga ang mga anak kansang ginikanan nagtawag kanila nga “mas espesyal kay sa ubang bata,” ug takos hatagag “espesyal nga atensiyon” maoy nakakuhag taas nga grado sa eksam kay sa ilang mga kauban bahin sa pagkahimong sobra ka bilib sa kaugalingon, ug nagtuo nga hawod sila ug may katungod sa bisan unsa. “Kon ang bata sultihan sa ginikanan nga espesyal kaayo sila kay sa uban, sila motuo niana,” nag-ingon ang nagpasiugda niini nga pagtuon. “Kana dili makaayo kanila ug sa katilingban.”

ANG GIINGON SA BIBLIYA: “Ako magasulti sa tanan . . . nga dili maghunahuna ug labaw bahin sa iyang kaugalingon kay sa angay nga hunahunaon; kondili maghunahuna sa paagi nga makabaton sa maayong panghunahuna.”—Roma 12:3.

Positibong mga Tawong Nag-edad ug 100

Bisan pa sa sakit ug pisikal nga limitasyon, ang mga nag-edad ug 100 gusto pa gyong mabuhi, matod pa sa mga tigdukiduki sa Heidelberg University sa Germany. Sa upat ka tigulang nga nag-edad ug 100 nga giinterbiyo, tulo nanghawid pa sa kinabuhi ug naningkamot sa pagpahimulos sa ilang kinabuhi. Nakab-ot nila ang ilang mga tumong, sila positibog tinamdan ug malaomon, may pagtuo nga ang kinabuhi dunay kahulogan, ug relihiyoso ug taas ug sukdanan sa moral.

PALANDONGA: Sumala sa Ecclesiastes 3:11, nganong duna kitay tinguha nga magpabiling buhi, ug unsay gipakita niini?

Pagkat-og Dugang

Pagmatutog Buotang mga Anak Niining Kalibotan nga Kaugalingon ray Gihunahuna

Sayra ang tulo ka butang nga makatabang nimo aron dili ka makapadakog mga anak nga kaugalingon ray gihunahuna.

Unsa ka Taas Ka Puwedeng Mabuhi?

Kon mahibalo ka sa rason kon nganong kita matigulang ug mamatay, mahibalo ka kon unsa ka taas kita puwedeng mabuhi.