Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Pagmata!  |  Oktubre 2015

 PAGPANIID SA KALIBOTAN

Bahin sa Pamilya

Bahin sa Pamilya

Ang mga pamilya nag-atubang ug daghang problema, apan ang mga prinsipyo sa Bibliya nga walay paglubad makatabang kanila sa pagsagubang niini nga malamposon ug malipayon.

Africa

Ang World Health Organization nagsugyot nga kinahanglang pasusohon sa mga inahan ang ilang mga anak sa ilang gatas sulod sa usa ka oras human manganak ug padayong magpasuso kanila sulod sa unom ka bulan. Bisan pa sa maong sugyot, ang UNICEF Regional Nutrition Adviser for Eastern and Southern Africa nag-ingon nga ang mga advertisement bakak nga nangangkon nga “ang pinulbos [powder] nga gatas sama ra ka sustansiyado sa gatas sa inahan.”

ANG GIINGON SA BIBLIYA: “Si bisan kinsa nga walay kasinatian motuo sa tagsatagsa ka pulong, apan ang usa nga maalamon magapalandong sa iyang mga lakang.”Proverbio 14:15.

Canada

Ang mga tigdukiduki sa Montreal nag-ingon nga ang anak nga estriktog ginikanan—kadtong naghatag ug estriktong mga balaod pero dili kaayo magpakitag pagmahal sa ilang anak—30% nga posibleng motambok kay sa mga anak kansang ginikanan balanse sa pagpakitag pagmahal ug disiplina.

NAHIBALO KA BA? Ang paagi sa pagdisiplina nga makahatag ug dakong kaayohan sa mga anak dugay na kaayong gipadayag sa Bibliya.Colosas 3:21.

Netherlands

Sa usa ka pagtuon sa mga pamilya nga Dutch diin ang mga ginikanan parehas nga nagtrabaho naobserbahan nga ang mga ginikanan nga naglain sa ilang trabaho ug sa ilang responsibilidad sa pamilya mas maayog relasyon sa ilang mga anak kay sa mga ginikanan nga magdalag trabaho diha sa balay. Pananglitan, ang mga ginikanan nga manawag sa telepono tungod sa trabaho bisag anaa na sa balay, basig dili makahatag ug atensiyon sa ilang mga anak nga maoy ilang gikinahanglan.

PALANDONGA: “Adunay tinudlong panahon alang sa tanang butang.”Ecclesiastes 3:1.

Pagkat-og Dugang

LIBRO UG BROSYUR

Mahimong Magmalipayon ang Imong Pamilya

Mahimong magmalipayon ang inyong panagtiayon ug pamilya pinaagi sa pagpadapat sa mga prinsipyo sa Bibliya.