Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

PAGMATA! AGOSTO 2015

Ang Pagtudlo ug Bibliya Makatabang sa Pagbasa ug Pagsulat

Ang Pagtudlo ug Bibliya Makatabang sa Pagbasa ug Pagsulat

“Ang katakos sa pagbasa ug pagsulat maoy katungod sa tawo, usa ka paagi sa pagpauswag sa kaugalingon, sa katilingban ug sa matag tawo.”—UNESCO. *

GIPAKITA sa mga report nga sa tibuok kalibotan kapin sa 700 ka milyong tawo nga nag-edad ug 15 pataas dili makamaong mobasa ug mosulat. Tungod niana, dili nila masusi ang hilabihan ka daghang impormasyon sa kalibotan, lakip sa moral ug espirituwal nga mga pagtulon-an nga gisulat diha sa Bibliya sa pagtudlo kanato. (Roma 15:4) Busa sa daghang nasod, gilakip sa mga Saksi ni Jehova ang pagpanudlo sa pagbasa ug pagsulat diha sa ilang programa sa pagpanudlo ug Bibliya nga walay bayad. Malamposon ba kini nga programa?

Tagda ang buluhaton sa mga Saksi ni Jehova sa Mexico, usa ka nasod nga Kinatsila ug pinulongan. Sukad sa 1946, ang mga Saksi didto nakatudlo ug kapin sa 152,000 ka tawo sa pagbasa ug pagsulat, daghan sa mga estudyante nahimo usab nga mga magtutudlo. Agig pasidungog sa ilang gihimo, gipadalhan sa gobyerno ang mga Saksi ug daghang sulat. Usa ka sulat nag-ingon: “Kini nga General Board of Education nagpasidungog ug nagpahalipay kaninyo sa inyong kooperasyon sa pagpauswag sa Adult Education Program.”

 Ang mga bata ug mga tigulang nakakat-on sa pagbasa ug pagsulat. Pananglitan, si Josefina 101 anyos dihang siya nagpaenrol sa klase, nga natapos niya sa duha ka tuig!

Bisag Kinatsila ang pangunang pinulongan sa Mexico, ang mga klase sa pagbasa ug pagsulat ginahimo usab sa ubang pinulongan. Niadtong 2013, ang mga tawo nga sakop sa walo ka nitibong grupo nakakat-on sa pagbasa ug pagsulat sa ilang kaugalingong pinulongan sa tabang niini nga programa.

Klaro nga ang pagtudlo sa pagbasa ug pagsulat nakahatag ug kahigayonan sa pagkakat-on ug daghang butang. Apan labaw sa tanan, kini makatabang sa tanang matang sa tawo sa pagbasa sa Bibliya—usa ka balaang basahon nga makapahigawas kanila gikan sa mga patuotuo, bakak nga mga doktrina, ug daotang panggawi.—Juan 8:32.

^ par. 2 United Nations Educational, Scientific, and Cultural Organization.