Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

PAGMATA! HULYO 2015

 TABANG ALANG SA PAMILYA | MGA BATAN-ON

Kon Magbulag ang Managtrato

Kon Magbulag ang Managtrato

ANG PROBLEMA

“‘Abi nakog siya na ang para nako nga makauban nako sa tibuok kinabuhi,’ miingon ko. Pero paglabayg duha ka bulan, gibulagan nako siya. Dili ko makatuo nga natapos lag kalit ang malipayon namong sinugdanan!”—Anna. *

“Sa primero, morag parehas mig mga gusto. Abi nakog magkadayon na gyod mi. Pero wala madugay, nakita nako nga magkalahi diay mi. Dihang nakaamgo niini, ako siyang gibulagan.”—Elaine.

Nakaagi ka ba ug sama niini? Kon mao, kining artikuloha makatabang nimo.

ANG ANGAY NIMONG MAHIBALOAN

Sakit ang panagbulag, bisan sa tawong nakigbulag. “Puwerte nakong guola!” miingon si Sarah, nga nakigbulag sa iyang trato paglabayg unom ka bulan. “Dili pa dugay, bahin siya sa akong kinabuhi ug sa akong mga plano sa umaabot; pero sa kalit lang, wala na siya. Kon makadungog kog mga kanta nga espesyal namong duha, mahinumdoman nako ang among malipayong panag-uban. Kon moadto ko sa mga lugar nga among naadtoan, sakitan ko kay wala na siya. Mao kanay akong gibati bisag akoy nakigbulag!”

Sakit ang panagbulag, pero mahimong dunay kaayohan kini. “Dili nimo gustong masakitan siya,” miingon si Elaine. “Pero nahibalo ka nga pareho mong masakitan kon ipugos ninyo ang relasyon nga walay padulngan.” Uyon niini si Sarah. “Para nako, kon dili ka malipayon nga trato pa lang gani mo, posibleng dili ka magmalipayon kon minyo na kamo, busa mas maayo pang magbulag,” siya miingon.

Kon kamo magkabulag, wala kini magpasabot nga wala kay ayo. Ang tinuod, ang malipayong panagtratohay matapos sa usa ka desisyon, dili kanunay sa kaminyoon. Kon ikaw ug ang imong trato dunay pagduhaduha, ang hustong desisyon tingali mao ang pagbulag. Kon mahitabo kana, wala kini magpasabot nga ikaw walay ayo. Makapadayon pa ka sa imong kinabuhi! Sa unsang paagi?

 ANG IMONG MAHIMO

Dawata nga normal lang nga masakitan. “Dili lang basta higala ang nawala nako; nawad-an kog suod nga higala,” miingon si Elaine, nga gihisgotan sa sinugdan. Kon makigbulag ka sa tawo nga nasuod nimo, normal lang nga maguol ka. “Kay nagbulag man mo, masakitan gyod ka, bisag nahibalo ka nga para kana sa inyong kaayohan,” miingon si Adam. Tingali ang imong gibati sama sa gibati ni Haring David sa panahon sa Bibliya. “Ang akong kama gipabahaan ko sa akong mga luha.” (Salmo 6:6) Usahay aron dili na ka mobatig kaguol, kinahanglan nimong masinati ang kasakit kay sa likayan kini. Ang pagdawat nga normal lang ang imong gibati makatabang aron ka mahupayan.—Prinsipyo sa Bibliya: Salmo 4:4.

Pakig-uban niadtong mahunahunaon kanimo. Dili kini sayon. “Sa primero, di ko gustong makig-atubang ug tawo,” miingon si Anna nga gihisgotan ganiha. “Nagkinahanglan kog panahon sa paghunahuna ug pagsabot sa nahitabo.” Pero nakita ni Anna ang kaayohan sa pagpakig-uban sa suod niyang mga higala nga makapalig-on kaniya. “Makahunahuna na kog maayo karon,” matod niya, “ug dili na kaayo ko sakitan sama sa una.”—Prinsipyo sa Bibliya: Proverbio 17:17.

Pagkakat-on sa nahitabo. Pangutan-a ang imong kaugalingon: ‘Duna ba koy angayng pauswagon? Kon duna, unsay angay nakong bag-ohon sa sunod nako nga pagpakigrelasyon?’ “Paglabay sa panahon, nasabtan na nako ang nahitabo,” miingon si Marcia. “Pero, dugaydugay pod una ko makapanimbang ug maayo kay naglabi ang akong kaguol.” Ingon usab niini ang gibati ni Adam nga gihisgotan ganiha. Siya miingon: “Usa gyod ka tuig una ko maulii. Pero mas dugay pa una nako makita ang leksiyon nga makat-onan sa nahitabo. Tungod sa akong nasinatian, daghan kog nakat-onan bahin sa akong kaugalingon, bahin sa babaye, ug sa pagpakigtrato. Sakitan gihapon ko pero dili na sama sa una.”

Iampo ang imong kabalaka. Ang Bibliya nag-ingon nga ang Diyos ‘mag-ayo sa nadugmok nga kasingkasing ug magbugkos sa ilang mga samad.’ (Salmo 147:3, Ang BibliaBag-ong Hubad Nga Binisaya) Ang Diyos dili maoy mangitag kapikas para kanimo ni siyay mabasol kon magbulag ang managtrato. Bisan pa niana, siya interesado sa imong kaayohan. Isulti kaniya ang imong pagbati diha sa pag-ampo.—Prinsipyo sa Bibliya: 1 Pedro 5:7.

^ par. 4 Ang mga ngalan niini nga artikulo giilisan.

Pagkat-og Dugang

Puwede Ka Na Bang Makigdeyt?

Tagda ang upat ka pangutana nga makatabang nimo sa pagtimbang-timbang kon puwede ka nang makigdeyt.

Andam Ka na Bang Magminyo?

Aron mahibaloan ang tubag niana nga pangutana, ilhon una nimog maayo ang imong kaugalingon. Kinahanglang matinud-anon ka sa pagsusi sa imong kaugalingon.