Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

PAGMATA! HUNYO 2015

 PAGPANIID SA KALIBOTAN

Bahin sa Kalikopan

Bahin sa Kalikopan

Ang yuta nagtaganag hinlong hangin, sustansiyadong pagkaon, ug limpiyong tubig. Pero gidaot kini sa tawo. Ang mga siyentista naningkamot sa pagpangitag solusyon sa kadaot nga nahimo sa tawo batok sa kalikopan.

Australia

Gibanabana nga mga 500,000 kilometro kubiko sa lad-ang nga tubig napondo ilalom sa salog sa dagat. “Ang lebel [kaniadto] sa salog sa dagat mas ubos kay sa karon,” nag-ingon si Vincent Post sa Flinders University sa Adelaide, mao nga ang baybay layo na sa dagat. Niadtong panahona, kon moulan, “mapuno sa tubig ang ilalom sa yuta nga karon nasanapan na ug dagat.” Ang mga siyentista naglaom nga kining napondo nga tubig magamit sa umaabot sa kapig 700 ka milyong tawo nga nanginahanglag limpiyong tubig.

Sahara Desert

Katunga sa espisye sa dagkong mananap sa Sahara napuo na o kaha nawad-an ug 99% sa ilang puy-anan. Ang kagubot sa politika sa rehiyon ug pagpangayam maoy bahin lang sa hinungdan. Bisan pag ang lainlaing mananap ug tanom sa desyerto sama rag gidaghanon diha sa lasang, ang mga tigdukiduki nag-ingon nga “wala mahatagig pagtagad sa siyensiya ang mga mananap ug tanom sa desyerto tungod sa kawalay pondo.” Busa ang mga tigpanalipod sa kalikopan naglisod sa pagmonitor sa nameligrong ekosistema sa desyerto.

Kalibotan

Gibanabana nga 1 sa 8 sa nangamatay niadtong 2012 maoy tungod sa polusyon sa hangin. Sumala pa sa World Health Organization, “ang polusyon sa hangin mao ang pangunang hulga sa panglawas.”

Pagkat-og Dugang

Unsa ang Katuyoan sa Diyos Alang sa Yuta?

Gisaysay sa Bibliya kon nganong gilalang sa Diyos ang yuta, kon kanus-a matapos ang pag-antos ug kon unsay mahitabo sa umaabot alang sa yuta ug niadtong magpuyo niana.

Bug-os Bang Madaot sa Tawo ang Yuta?

Dili lang ang pagkadaot sa yuta ang gitagna sa Bibliya, apil sab ang kaugmaon niini.