Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Pagmata!  |  Pebrero 2015

 PAGPANIID SA KALIBOTAN

Bahin sa Panglawas

Bahin sa Panglawas

Bisan pa sa kauswagan sa medisina, ang sakit padayong nagpaantos sa mga tawo. Apan ingon sa gipakita sa ebidensiya, daghang problema sa panglawas posibleng malikayan.

Kalibotan

Ang World Health Organization namanabana nga 24 milyones ka tawo ang masakit ug kanser tuigtuig sa pagka-2035. Kini maoy mga 70% nga pagsaka sa gidaghanon niadtong dunay kanser karon, nga gituohan nga miabot nag kapin sa 14 milyones. Ang hinungdan sa gibanabana nga katunga sa masakit ug kanser maoy tungod sa paagi sa pagkinabuhi, sama sa pag-abuso sa alkoholikong ilimnon, kulag paglihoklihok, sobrang katambok, pagkaladlad sa radyasyon, ug pagpanigarilyo.

Britain

Human sa pagpresentar sa ebidensiya, ang gobyerno sa Britain nanukiduki sa posibilidad nga ang mad cow disease nga napasa ngadto sa tawo mahimong mapasa usab sa uban pinaagi sa mga paagi sa pagtambal sama sa pag-abonog dugo. “Nabalaka gayod kami sa pagkahibalo nga kining dili matambalang sakit peligroso gihapon kaayo sa panglawas sa tawo,” miingon si Andrew Miller, membro sa Parliamento. “Kami gisultihan nga [ang sakit mapasa] pinaagi sa dinonar nga dugo ug organo nga kontaminado kaayo,” siya midugang.

Norway

Ang depresyon makapasakag 40% nga risgo sa sakit sa kasingkasing, sumala sa 11 ka tuig nga pagtuon sa mga 63,000 ka taga-Norway. Ang European Society of Cardiology nagkutlo sa usa sa mga awtor sa pagtuon nga nag-ingong ang depresyon dili lang magpagawas ug stress hormones nga mahimong moresultag sakit sa kasingkasing kondili makababag usab sa tawo sa pagsunod sa tambag nga makapaarang-arang sa iyang panglawas.

United States

Ang mga siyentista nanukiduki sa posibleng kapeligrohan sa panglawas sa gitawag nga thirdhand cigarette smoke, baho sa aso sa sigarilyo nga nanapot sa mga bungbong ug diha sa abog sa mga apartment, lawak sa hotel, ug sakyanan. Ang nadugang-dugang nga baho sa sigarilyo mas makadaot sa panglawas sa magkadugay.

Pagkat-og Dugang

PAGMATA!

Unsa ka Taas Ka Puwedeng Mabuhi?

Kon mahibalo ka sa rason kon nganong kita matigulang ug mamatay, mahibalo ka kon unsa ka taas kita puwedeng mabuhi.