Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

PAGMATA! ENERO 2015

 PAGPANIID SA KALIBOTAN

Bahin sa Relihiyon

Bahin sa Relihiyon

Ang relihiyon mao untay makapahiusa sa tanan. Apan sagad kini hinuon ang hinungdan sa panag-away ug kawalay-pagsalig.

Kalibotan

Kapig 75% sa populasyon sa kalibotan nagpuyo sa mga nasod nga supak kaayo sa relihiyon, tungod man sa mga balaod sa gobyerno o sa pagdumtanay sa katilingban. Sa di pa dugayng lima ka tuig, halos midoble ang ihap sa mga nasod nga dunay pag-abuso batok sa gagmayng mga grupo sa relihiyon.

PALANDONGA: Nganong ang ubang tawo dili ganahan ug relihiyon?—Mateo 23:27, 28; Juan 15:19.

England

Diha sa mantalaang Observer, ang kanhing Prime Minister nga si Tony Blair misulat nga “ang pag-abuso sa relihiyon” maoy sagad hinungdan sa mga terorismo karon. Siya midugang: “Ang mga gubat niining sigloha nahitabo dili tungod sa politikal nga mga isyu—sama niadtong sa ika-20ng siglo—kondili tungod sa mga isyu maylabot sa kultura o relihiyon.”

PALANDONGA: Nganong relihiyon ang sagad hinungdan sa pagkabahinbahin?—Marcos 7:6-8.

Australia

Ang Australian Bureau of Statistics nagreport nga 1 sa matag 5 ka Australiano miingon nga wala silay relihiyon. Ang report nag-ingon nga bisag “ang usa membro sa relihiyon, wala magpasabot nga aktibo siya sa relihiyosong mga kalihokan.” Kinse porsiyento lang sa mga lalaki ug 22 porsiyento sa mga babaye nga may relihiyon ang miingong aktibo sila sa relihiyoso o espirituwal nga mga kalihokan.

PALANDONGA: Unsang negatibong mga tinamdan ang makita diha sa kadaghanang relihiyon karon?—Mateo 7:15-20.

Pagkat-og Dugang

Duna bay Relihiyon nga Imong Kasaligan?

Nahigawad ba ka sa usa ka relihiyon? Nan, lagmit dili na ka mosalig sa bisan unsang relihiyon. Sa unsang paagi makatabang nimo ang pagtuon sa Bibliya?