Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

PAGMATA! ENERO 2015

 GIDISENYO BA KINI?

Ang Balay sa Putyokan

Ang Balay sa Putyokan

ANG putyokan (Apis mellifera) maghimog iyang balay nga gama sa talo gikan sa mga glandula nga nahimutang ubos sa iyang tiyan. Ang balay sa putyokan giisip nga usa ka talagsaong disenyo. Ngano?

Hunahunaa: Ang mga matematiko dugay nang nagtuo nga ang partisyon nga pormag hexagon mas maayo kay sa trianggulo o kuwadrado—o sa bisan unsang porma—kay mapuslan ang tanang luna nga menos lang ang materyales nga magamit. Apan dili sila makapatin-aw kon ngano. Sa 1999, pinaagig matematika gipamatud-an ni Propesor Thomas C. Hales ang kaayohan sa hexagon nga porma. Iyang gipakita nga ang hexagon maoy labing maayong paagi sa pagbahinbahin sa luna nga magkaparehas ang sukod ug dili magkinahanglag daghang tukod.

Pinaagi sa hexagon nga partisyon sa balay sa putyokan, magamit sa putyokan ang tanang luna nga ilang okupahon. Ang balay nga matukod gaan ug lig-on nga diyutayng talo lang ang magamit, ug mapondohag daghang dugos. Busa dili ikatingala nga ang balay sa putyokan giisip nga usa ka “obra maestra sa arkitektura.”

Gisundog karon sa mga siyentista ang balay sa putyokan sa paghimog lig-ong mga tinukod nga mapuslan ang tanang luna. Pananglitan, ang mga inhenyero sa ayroplano naggamit ug mga panel nga parehas ug disenyo sa balay sa putyokan sa paghimog mga ayroplano nga lig-on ug gaan, ug busa dili kalas ug gasolina.

Unsay imong hunahuna? Ang talagsaon bang disenyo sa balay sa putyokan mitungha pinaagig ebolusyon? O kini ba gidisenyo?

Pagkat-og Dugang