Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Pagmata!  |  Nobyembre 2014

Pagpaniid sa Kalibotan

Pagpaniid sa Kalibotan

Ecuador

Sa 2007, ang Ecuador nagplano sa pagpondog kuwarta para magamit sa pagprotektar sa halos 10,000 kilometro kuwadrado nga lasang sa Amazon imbes pangalotan kinig mga atabay nga kakuhaag krudo. Kana nga plano wala mahinayon tungod sa kakulang ug pinansiyal nga tabang gikan sa ubang nasod. Kining bahina sa Amazon mao ang usa sa mga rehiyon sa kalibotan nga may kinadaghanag tanom ug mananap.

Japan

Sumala sa The Japan News, dili gayod malikayan nga dunay kontaminadong mga sampol sa dugo nga makalusot sa mga eksaminasyon. Gisundan niini nga report ang balita nga niadtong 2013, usa ka lalaki nga mga 60 anyos nataptag HIV gikan sa dugo nga giabono kaniya. Kon ang gidonar nga dugo dunay HIV, dangtan pag mga bulan ayha makita sa eksaminasyon ang virus.

Zimbabwe

Bisag ang panaggubat batok sa mga gerilya sa Zimbabwe sa utlanan sa Mozambique nahunong kapig 30 ka tuig nang milabay, ang gilubong nga mga bomba nakaangol ug nakapatay gihapon. “Sukad sa 1980, kapig 1,500 ka tawo ug 120,000 ka binuhing hayop ang napatay ug 2,000 ka tawo ang naangol tungod sa mga bomba diha sa utlanan sa Zimbabwe,” matod pa sa International Committee of the Red Cross.

Australia

Sumala sa usa ka surbi, nagkadaghang magtiayon nga nagbulag ang nagkinihaay kon kinsay manag-iya sa binuhing mananap. Pangunang ilogan sa magtiayon mao ang balay ug yuta, kuwarta, ug personal nga mga butang, dayon ang binuhing mga mananap.