Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Pagmata!  |  Oktubre 2014

 PANGUNANG TOPIKO

Unsa ang Tinuod nga Kalamposan?

Unsa ang Tinuod nga Kalamposan?

UNSAY mas pait kay sa kapakyasan? Ang dili tinuod nga kalamposan. Kay kon dili nimo makab-ot ang imong gipangagpas, may mahimo ka pa sa pagtul-id sa situwasyon. Dugang pa, makakat-on ka gikan niini ug maninguha nga sa sunod, himoon nimo ang labing maayo.

Ang dili tinuod nga kalamposan lahi. Tingali nagtuo ka nga malamposon ka pero ang tinuod dili diay. Sa makita mo nga kinahanglan kang magbag-o, mahimong ulahi na ang tanan.

Tagda ang usa ka pananglitan. Si Jesu-Kristo nangutana: “Unsay kapuslanan alang sa usa ka tawo kon maangkon niya ang tibuok kalibotan apan mawad-an sa iyang kalag?” (Mateo 16:26) Aplikado kini ngadto sa mga tawong nangamas pagpangitag kuwarta ug sa tanan nga mapalit niini—nga tukmang pananglitan sa dili tinuod nga kalamposan. “Ang pagpangagpas sa pagbatog taas nga posisyon, daghang kuwarta, o daghang butang, dili makatagbaw sa kalag,” matod pa sa career counselor nga si Tom Denham. “Kon kuwarta lang ang himoong sukdanan sa kalamposan, ang imong kinabuhi kawang ug walay kahulogan.”

Tingali, daghan ang mouyon niana. Sa usa ka surbi sa United States, “ang pagbatog daghang kuwarta” maoy ika-20 sa listahan sa 22 ka “butang nga makaamot sa malamposong kinabuhi.” Ang nanguna sa listahan mao ang himsog nga panglawas, maayong relasyon sa uban, ug trabaho nga imong ganahan.

Daghang tawo makakita sa kalainan sa tinuod ug dili tinuod nga kalamposan—kon sila pangutan-on. Pero maglisod sila pagdesisyon base sa hustong panglantaw sa kon unsa ang tinuod nga kalamposan.