Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

PAGMATA! OKTUBRE 2014

 KAYUTAAN UG KATAWHAN

Pagbisita Ngadto sa Belize

Pagbisita Ngadto sa Belize

ANG Belize gamay ra nga yuta pero nagkalidadis ang makita dinhi—gikan sa tropikal nga kalasangan ngadto sa asul-asul nga katubigan nga naglibot sa daghang isla. Ug pipila lang kana sa nindot nga mga talan-awon sa Belize.

Daghang langgam ug mananap dinhi. Lakip niini ang hayag ug kolor nga keel-billed toucan nga langgam ug ang Baird’s tapir—kamatang sa rhino nga abtik molihok sa mamala ug sa ilalom sa tubig! Dunay jaguar usab dinhi. Gani, ang Belize nagpasigarbo nga maoy nakauna sa pagreserbag luna ingong dangpanan sa mga jaguar.

Ang Belize nagpasigarbo nga maoy nakauna sa pagreserbag luna ingong dangpanan sa mga jaguar

Ang Belize kaniadto maoy bahin sa sibilisasyon sa mga Maya. Sa ika-16 nga siglo, ang Katsila nga mga konkistadores miatake, apan wala gayod nila mapildi ang Maya. Sa ulahi, giilog sa mga taga-Britain kining dapita ug pagka-1862 kini opisyal nga gideklarar nga kolonya sa British Honduras. Pagka-1981, ang Belize nahimong independenteng nasod.

 Ang mga taga-Belize lainlain ug kagikan ug ang talan-awon dinhi lainlain usab. Ang pipila sa pangunang mga tribo dinhi mao ang Creole, East Indian, Garifuna, Maya, ug Mestizo. Ang mga tawo mahigalaon ug matinahoron. Kon ang mga bata makig-estorya sa mga hamtong, sila sagad mangatahoran pinaagi sa pag-ingon ug “Miss” o “Mister” ug motubag pinaagi sa pag-ingon ug, “Oo, mam” o “Dili, sir.”

Tiyanggihan sa Belize City

Sa Belize, dunay mga kongregasyon sa mga Saksi ni Jehova sa pinulongang American Sign Language, Belize Kriol, Iningles, Kinatsila, Low German, Mandarin Chinese, ug Maya (Mopán). Sa 2013, mga 1 sa matag 40 ka tawo sa Belize mitambong sa Memoryal sa kamatayon ni Kristo.

NAHIBALO KA BA? Ang kagaangan sa Belize moabot ug kapig 290 kilometros ang kalaparon. Bahin kini sa ikaduha sa kinadak-ang kagaangan sa kalibotan. Ang kinadak-an mao ang Great Barrier Reef sa Australia.

Ang kagaangan sa Belize maoy bahin sa ikaduha sa kinadak-ang kagaangan sa kalibotan