Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

PAGMATA! SEPTIYEMBRE 2014

 GIDISENYO BA KINI?

Sensitibong mga Neuron sa Dulon

Sensitibong mga Neuron sa Dulon

ANG mga dulon magduot kon manglalin nga may gibag-ong “80 ka milyong dulon matag kilometro kuwadrado.” Apan dili sila magkabanggaay. Unsay ilang sekreto?

Hunahunaa: Sa likod sa matag usa sa komplikadong mga mata sa dulon nahimutang ang sensitibo sa lihok nga mga neuron nga gitawag ug lobula giant movement detector (LGMD). Kon hapit nang mabangga, kini nga mga neuron magpadalag signal sa mga pako ug tiil, nga makapalihok dayon sa dulon sa paglikay. Gani, kini nga reaksiyon maoy lima ka pilo nga mas paspas kay sa usa ka pagpamilok.

Kay nainspirar sa mga mata ug neuron sa dulon, ang mga siyentista nakaimbentog kompiyuterisadong sistema nga makatabang sa mobile robot sa pagmatikod ug paglikay sa mga butang nga kasugat, nga dili na magkinahanglag komplikadong radar o mga infrared detector. Gigamit sa mga tigpanukiduki kini nga teknolohiya diha sa mga sakyanan, nga mohatag niinig paspas ug tukma nga warning system nga makapamenos sa mga pagbanggaay. “Daghan kitag makat-onan gikan sa ingon ka simpleng insekto sama sa dulon,” matod pa ni Propesor Shigang Yue sa University of Lincoln, sa United Kingdom.

Unsay imong hunahuna? Ang sensitibo bang mga neuron sa dulon mitungha pinaagig ebolusyon? O kini ba gidisenyo?

Pagkat-og Dugang

Tigdisenyog Robot Nagpatin-aw sa Iyang Pagtuo

Gisaysay ni Propesor Massimo Tistarelli kon nganong nausab ang iyang hunahuna bahin sa ebolusyon.

Duna bay Diyos?

Ang Bibliya naghatag ug lima ka lig-ong ebidensiya.