Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Pagmata!  |  Agosto 2014

Pagpaniid sa Kalibotan

Pagpaniid sa Kalibotan

Kalibotan

“Tuigtuig, mga 3 ka milyong masuso mamatay sa unang bulan sa pagkahimugso, sa hinungdan nga malikayan unta. Kapig 1 ka milyon kanila mamatay sa unang adlaw pa lang sa ilang kinabuhi.”—Save the Children International.

Britain

Sa 2011, ang Public Health England miingon nga midaghan ang namatay sa polusyon sa hangin diha sa 15 ka lungsod sa London. Ang krudo giduso nga dili kuno makadaot sa kalikopan kay kini dili kalas kon maoy itubil sa sakyanan ug menos pag carbon dioxide nga mabuga. Apan, 91% sa polusyon sa hangin nianang mga lugara maoy binuga sa mga sakyanang dekrudo.

Russia

Sumala sa 2013 nga surbi sa Public Opinion Foundation sa Russia, mga 52% sa mga Ruso nga nagpaila ingong mga Orthodox Christian miingon nga wala gayod sila makabasag Bibliya, ug 28% miingon nga panagsa ra silang mag-ampo.

Africa

Sanglit dili matino kon kinsay tag-iya sa kaumahan, ang mga tawo dili makapananom ug busa nanaghan ang pobre, sumala sa report sa World Bank. Katunga sa wala matikad nga mga yuta sa kalibotan—mga 202 ka milyong ektarya—anaa sa Africa, diin 25% lang sa yuta ang nagamit sa pagpananom.

United States

Ang mga librong tun-anan sa daghang eskuylahan ug unibersidad gipulihan ug mga electronic tablet nga nasudlag gikinahanglang basahonon, software, apps, ug ubang impormasyon. Apan gikaduhaduhaan kon kini ba menos ug gasto.