Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

PAGMATA! HULYO 2014

 KAYUTAAN UG KATAWHAN

Pagbisita Ngadto sa Ireland

Pagbisita Ngadto sa Ireland

ANG “Emerald Isle” gilangkoban ug duha ka nasod: ang dako mao ang independenteng Republic of Ireland, ug ang gamay mao ang Northern Ireland, nga bahin sa United Kingdom.

Giant’s Causeway

Ang Ireland gitawag ug Emerald Isle tungod kay lunhaw kaayo ang mga tanom sa maong dapit gumikan sa abundang ulan. Ang nindot nga mga lanaw ug mga suba, lakip sa kapatagan duol sa dagat ug sa kabukiran nakadugang sa katahom niini.

Balay nga kogon ug atop

Ang mga Irish nakaagig daghang grabeng kalisod. Pananglitan, gibanabana nga sa mga 1845 hangtod 1851, mga usa ka milyon ang nangamatay sa kagutom ug sa sakit dihang gidangan ang mga pananom nga patatas. Aron mahaw-as sa grabeng kakabos, daghan ang nanglalin ngadto sa Australia, Britain, Canada, ug United States. Karon, mga 35 ka milyong Amerikano dunay dugo nga Irish.

Ang mga Irish ilado nga mahigalaon ug maabiabihon. Paborito nilang pasatiempo ang pagsakayg kabayo ug mga team sport, sama sa cricket, rugby, saker (gitawag nila ug potbol), ug Gaelic football (susama sa saker). Ang mga babaye gusto kaayog team sport nga gitawag camogie, nga parehas sa field hockey.

 Ang mga tawo sa Ireland hingestorya, ug gustog musika. Ang Irish step dance popular sa tibuok kalibotan. Ang ibabaw nga bahin sa lawas sa mga mananayaw magtul-id lang samtang nag-undak-undak ang ilang mga tiil.

Irish nga banda

Kapin na sa usa ka gatos ka tuig nga dunay mga Saksi ni Jehova sa Ireland. Karon, duna nay kapin sa 6,000 ka Saksi ang nagpuyo didto ug aktibo sa pagpanudlo bahin sa Bibliya.

Sa ibabaw makita ang tradisyonal nga mga instrumento sa musika sa Ireland, wala ngadto sa tuo: alpa, bagpipe, biolin, akordiyon, plawta nga lata, ug bodhran (drum)

NAHIBALO KA BA?

Ang Giant’s Causeway, sa amihanang kabaybayonan sa Northern Ireland, halos punog libolibong karaan nga haliging mga bato nga naporma dihang ang nagbaga nga lapok gikan sa bolkan nabasa pag-abot sa dagat.