Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

PAGMATA! ABRIL 2014

Pagpaniid sa Kalibotan

Pagpaniid sa Kalibotan

United States

Sa Los Angeles, California, ang tanan sa halos 4,500 ka traffic light niini giprograma nga dungang magpagawas ug parehas nga signal. Kini nga mga traffic light nakatag diha sa mga 1,215 kilometro kuwadradong luna. Sumala sa The New York Times, ang Los Angeles mao ang “unang dakong siyudad sa kalibotan nga duna niini.”

Kalibotan

Usa ka pagtuon bahin sa panglawas sa mga tawo sa tibuok kalibotan nagpakita nga gikan sa 1990 hangtod 2010, ang gidaghanon sa mga tawong sobrag timbang misakag 82 porsiyento. Mas daghan ug tulo ka pilo ang nangamatay sa pagkasobrag timbang kay sa malnutrisyon—bisan tuod ang kakulag pagkaon problema gihapon sa daghang kayutaan. Ang tinuod, “20 ka tuig kanhi ang mga tawo menos ug kaon apan karon, ang daghang pagkaon ug walay sustansiyang pagkaon—bisan sa pobreng nasod—nakahatag kanatog sakit,” miingon si Majid Ezzati, usa sa pangunang tigdukiduki.

Midway Island

Usa ka Laysan albatross, nga nareport nga “kinatigulangang ihalas nga langgam sa kalibotan,” ang namiso maong nadugangan na pod ang daghan na niyang piso. Pilay iyang edad? Gibutangan siyag tag niadtong 1956 sa mga singko anyos pa siya. Busa karon siya kapin nag 60 anyos. Sa tibuok niyang kinabuhi, siya lagmit nakalupad nag tulo ngadto sa upat ka milyong kilometros—katumbas sa upat ngadto sa unom ka idabuweltang panaw gikan sa yuta paingon sa bulan.

South Africa

Sumala sa usa ka pagtuon, kapin sa 30 porsiyento sa mga babaye sa South Africa naggamit ug sabon ug cream nga pangpaputi. Kini nga mga pangpaputi makadaot ug gidili kini sa daghang nasod. Lakip sa mga kadaot nga mahatag niini mao ang lainlaing matang sa kanser, sakit sa kidney, depresyon, nerbiyos, nuka-nuka, ug ulat.