Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Pagmata!  |  Abril 2014

 PANGUNANG TOPIKO

Nganong Angay Kang Magpabiling Buhi?

Nganong Angay Kang Magpabiling Buhi?

KON kaila pa mong Diana, * makaingon gyod ka nga siya brayt, mahigalaon, ug estoryador. Apan bisan pag malipayon siyang tan-awon, nag-antos diay siyag grabeng kaguol nga nagpabati kaniyang walay pulos sulod sa daghang adlaw, semana, o mga bulan. “Kada adlaw gyod kong makahunahuna nga mas maayo pang mamatay,” siya miingon. “Sa akong tan-aw wala koy kapuslanan niining kalibotana.”

“Gipakita sa mga pagtuon nga sa matag tawo nga namatay sa paghikog, 200 ang misulay sa paghikog ug 400 ang nakahunahuna niana.”—THE GAZETTE, MONTREAL, CANADA.

Si Diana miingon nga dili gyod siya maghikog. Apan usahay mobati siya nga wala nay rason nga mabuhi pa. “Maayo untag maaksidente ko ug mamatay,” siya miingon. “Para nako, ang kamatayon usa ka higala—dili kaaway.”

Daghan ang sama kang Diana, ug ang uban kanila nakahunahuna o misulay sa paghikog. Apan ang mga eksperto nag-ingon nga ang kadaghanan sa mga misulay sa paghikog dili gyod gustong matapos ang ilang kinabuhi; gusto lang nilang matapos ang ilang pag-antos. Sa ato pa, nagtuo sila nga may rason sila sa pagtapos sa ilang kinabuhi; ang ilang gikinahanglan mao ang rason sa pagpabiling buhi.

Nganong angay kang magpabiling buhi? Tagda ang tulo ka rason.

^ par. 3 Ang ngalan giilisan.