Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

PAGMATA! ABRIL 2014

 PANGUNANG TOPIKO | NGANONG ANGAY KANG MAGPABILING BUHI?

Tungod kay Adunay Tabang

Tungod kay Adunay Tabang

“Itugyan [sa Diyos] ang tanan ninyong mga kabalaka, kay siya may kahingawa kaninyo.”1 PEDRO 5:7.

Kon daw wala ka nay mahimo sa usa ka situwasyon, tingali maghunahuna ka nga mas maayong mamatay na lang. Apan adunay makatabang kanimo.

Pag-ampo. Ang pag-ampo dili pangpaalibyo lang sa gibati, ug dili pod kini himoon tungod lang kay desperado na. Kini maoy pagpakigsulti kang Jehova nga Diyos, kinsa nagmahal kanimo. Gusto ni Jehova nga imong isulti kaniya ang imong mga problema. Gani, ang Bibliya nagdasig kanato: “Itugyan ang imong palas-anon kang Jehova, ug siya magasapnay kanimo.”—Salmo 55:22.

Unsa kaha kon mag-ampo ka sa Diyos karon? Sangpita siya sa iyang ngalan nga Jehova, ug pakigsulti kaniya nga kinasingkasing. (Salmo 62:8) Gusto ni Jehova nga ikaw makaila kaniya ingong higala. (Isaias 55:6; Santiago 2:23) Pinaagi sa pag-ampo, ikaw makapakigsulti sa Diyos bisag asa, bisag kanus-a.

Sumala sa American Foundation for Suicide Prevention, “gipakita sa mga pagtuon nga kadaghanan sa mga namatay gumikan sa paghikog—90% o labaw pa—may problema sa pangisip dihang sila namatay. Apan kasagaran, kini nga problema wala mahibaloi, wala madayagnos, o wala matambali”

Mga tawong nagmahal kanimo. Importante ka sa uban—lakip sa mga membro sa imong pamilya o mga higala nga nagmahal kanimo. Gawas kanila, may mga tawong nagmahal kanimo nga wala pa nimo mahimamat. Pananglitan, sa dihang magsangyaw ang mga Saksi ni Jehova, sila makahimamat usahay ug mga tawong problemado kaayo, ug ang uban kanila miadmitir nga sila desperado na ug nakahunahuna sa pagpakamatay. Pinaagi sa pagsangyaw sa balay ug balay, natabangan sa mga Saksi ni Jehova ang maong mga tawo. Sama kang Jesus, ang mga Saksi ni Jehova nagmahal sa ilang isigkatawo. Sila nagmahal kanimo.Juan 13:35.

Propesyonal nga tabang. Ang paghunahuna sa paghikog sagad nagpaila nga ang usa dunay sakit sa emosyon, sama sa clinical depression. Ang sakit sa emosyon dili angayng ikaulaw—sama ra nga dili angayng ikaulaw ang sakit sa pisikal. Gani, sumala sa usa ka reperensiya, ang depresyon samag ubo ug sip-on. Bisan kinsa mataptan niini—ug kini matambalan. *

HINUMDOMI KINI: Ang pagsagubang sa depresyon samag paghaw-as gikan sa lalom nga lungag. Dili nimo kini mahimo kon ikaw ra. Apan kon dunay motabang, molampos ka.

ANG IMONG MAHIMO KARON: Pangitag kasaligang doktor nga motambal ug sakit sa emosyon sama sa depresyon.

^ par. 8 Kon dili mawala sa imong hunahuna ang paghikog, sayra kon asa ka makapangayog tabang—tingali sa usa ka suicide-prevention hotline o sa mental-health center. May mga kawani dinhi nga gibansay sa pagtaganag tabang.

Pagkat-og Dugang

Tabangan ba Ko sa Diyos Kon Moampo Ko?

Nagtagad ba gayod ang Diyos sa atong mga problema?