Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

PAGMATA! MARSO 2014

 GIDISENYO BA KINI?

Panit sa Bitin

Panit sa Bitin

KAY ang bitin magkamang man, kini nagkinahanglag lig-ong panit nga dili daling madaot sa pagsigeg bag-id. Ang ubang matang sa bitin mokamang sa hait nga mga punoan sa kahoy, samtang ang uban moukiok sa hait nga balas. Nganong lig-on kaayo ang panit sa bitin?

Hunahunaa: Ang panit sa lainlaing matang sa bitin lainlaig gibag-on ug pagkagama. Apan ang panit sa tanang matang sa bitin magkaamgid sa usa ka bahin: Kini gahi sa gawas ug maunat-unat sa sulod. Unsay bentaha niini? “Ang mga materyales nga gahi sa gawas ug maunat-unat sa sulod makaarang sa pagpakatag sa puwersa sa duso diha sa dako-dakong luna,” miingon ang tigdukiduki nga si Marie-Christin Klein. Tungod sa talagsaong pagkagama sa panit sa bitin, kini igong makahawid sa yuta nga makapaaginod sa bitin, ug sa samang higayon, makapakatag sa presyur gikan sa pagkabangga-bangga sa hait nga mga bato ug sa ingon ang panit dili kaayo madaot. Importante nga lig-on ang panit kay sagad iluno sa bitin ang ilang panit matag duha o tulo lang ka bulan.

Ang mga materyales nga sama sa panit sa bitin mahimong mapuslan sa natad sa medisina—pananglitan, sa paggamag slip-resistant ug lig-ong artipisyal nga mga implant. Dugang pa, ang mga makina nga may conveyor nga samag pagkagama sa panit sa bitin dili kaayo magkinahanglag mga lubricant nga makahatag ug polusyon.

Unsay imong hunahuna? Ang panit ba sa bitin mitungha pinaagig ebolusyon? O kini ba gidisenyo?