Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Pagmata!  |  Pebrero 2014

 GIDISENYO BA KINI?

Suga sa Aninipot nga Photuris

Suga sa Aninipot nga Photuris

ANG suga o organo sa kahayag sa aninipot nga Photuris naputos sa nagsapaw-sapawng mga himbis-himbis nga makapasigag samot sa kahayag nga ipagawas niini nga insekto. *

Nagsapaw-sapaw nga himbis-himbis

Hunahunaa: Nadiskobrehan sa mga siyentista nga ang gigming nga mga himbis-himbis sa suga nagsapaw-sapaw. Ang himbis-himbis alsado sa usa ka tumoy ug mga 3 mikrometros—wala pay 1/20 sa gibag-on sa buhok sa tawo. Pero kining giming nga alsa makadugang ug halos 50 porsiyento nga kahayag kay sa plat nga pagkaplastar nga himbis-himbis!

Kanang giming nga alsa makadugang bag kahayag sa light-emitting diode (LED), nga gigamit diha sa elektronikong mga gamit? Aron masayran, giputos sa mga siyentista ang LED ug parehas nianang himbis-himbis sa suga sa aninipot. Ang resulta? Ang LED nakapagawas ug kutob sa 55 porsiyento nga dugang kahayag! Ang physicist nga si Annick Bay miingon: “Ang labing importanteng bahin niini nga panukiduki mao nga kini nagpakita nga kita daghan kaayog makat-onan pinaagi sa pagpaniid pag-ayo sa kinaiyahan.”

Unsay imong hunahuna? Ang suga ba sa aninipot nga Photuris mitungha pinaagig ebolusyon? O kini ba gidisenyo?

^ par. 3 Ang mga siyentista wala pa makapanukiduki sa tanang matang niini nga aninipot.