Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

PAGMATA! PEBRERO 2014

Pagpaniid sa Kalibotan

Pagpaniid sa Kalibotan

United States

“Ang hinabako makahatag ug kapildihan sa amo . . . ug dugang $5,816 sa usa ka tuig kon itandi sa dili manabako,” matod pa sa report sa New York Times. Sumala pa sa datos nga nahipos sa mga tigpanukiduki sa Ohio State University, ang gibanabanang aberids sa dugang nga kapildihan maoy tungod sa mga panahong igugol sa pagpanigarilyo, dakong gasto sa pagpatambal, ug pagsigeg palta sa trabaho. Ang laing hinungdan mao ang pagkamenos ug agi sa trabaho nga lagmit epekto sa pagkaadik sa nikotina.

Italy

“Ang mga pastor ug ang ilang mga membro maayo lang sa sulti, dili sa buhat, mao nga ang Simbahan nawad-an ug kredibilidad.”—Pope Francis.

Malaysia

Ang mga awtoridad sa Malaysia nakasakop ug 24 ka toneladang inesmagol nga garing—kapin sa 1,000 ka bangkil sa elepante nga gitago uban sa mga mahogany nga karga sa duha ka barko. Ang mga tigpanalipod sa kinaiyahan miingon nga kadto ang kinadaghanang garing nga nasikop sukad. Ang karga paingon sa China gikan sa Togo.

Africa

Sumala pa sa 2012 nga report sa World Health Organization, 63 porsiyento sa nangamatay maoy tungod sa makatakod nga mga sakit, ilabina ang HIV/AIDS, kalibang, malarya, TB, ug mga sakit sa bata.

Australia

Ang simulated-gambling apps (applications) para sa mga smartphone ug ubang gadyet uso na sa mga bata. Ang ubang apps morag tinuod gayod nga mga sugal diha sa kasino ug mas daling madaog. Ang gobyerno nagpasidaan nga kini nga mga dula makapahunahuna sa mga bata nga ang pagpanugal dili daotan “ug basig mahimo silang mga sugarol sa ulahi.”