Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

PAGMATA! HUNYO 2013

 GIDISENYO BA KINI?

Kapay sa Humpback Whale

Kapay sa Humpback Whale

ANG humpback whale mas dako ug mas bug-at kay sa bus. Pero, kining higante nga mananap liksi kaayo modayb ug moliyok. Unsay nakapaliksi kaayo nila? Ang usa niini mao ang bugdo-bugdo diha sa ilang mga kapay.

Hunahunaa: Ang kadaghanang balyena ug mga kamatang nila hamis ug pangunahang bahin sa kapay. Pero lahi ang humpback whale kay kini dunay dagkong bugdo-bugdo diha sa pangunahang bahin sa kapay. Samtang maglangoy, ang tubig nga moagi sa bugdo-bugdo mabungkag ug mahimong mga lilo-lilo. Kini nga mga lilo-lilo makatabang sa balyena sa pagsaka, nga tungod niini mapaubos niya ang iyang kapay nga tutok kaayo pero dili siya maungot sa tubig. Kini nga posisyon sa kapay makapahanoy pod sa pagsaka sa balyena sanglit kontrahon sa bugdo-bugdo ang pagbutad sa tubig, nga dakong tabang sa tag-as nga kapay nga 1/3 sa gitas-on sa iyang lawas.

Kini nga ideya gigamit sa mga researcher sa paghimog mas episyente nga mga timon sa barko, palabad sa tubig, windmill, ug palabad sa helikopter.

Unsay imong hunahuna? Ang kapay ba sa humpback whale sulagma lang nga mitungha? O kini ba gidisenyo?