Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

PAGMATA! ABRIL 2013

 KAYUTAAN UG KATAWHAN

Pagbisita sa Indonesia

Pagbisita sa Indonesia

ANG Indonesia dunay mga 17,000 ka isla. Ang mga molupyo ilado nga mahigalaon kaayo, pasensiyoso, matinahoron, ug maabiabihon.

Ang pagkaon sa Indonesia kasagaran kan-ong humay, sud-an nga sagad halang, ug prutas. May mga lugar diin ang mga pamilya magyaka sa banig dihang mangaon nga magkinamot. Daghang taga-Indonesia nag-ingon nga mas lami ang pagkaon kon magkinamot.

Ang durian baho pero lami

Sila hilig ug arte, sayaw, ug musika. Ang anklong maoy komon nilang instrumento sa musika nga hinimo sa kawayan nga gipahimutang sa usa ka balayan. Ang matag kawayan iangay aron mopagawas ug partikular nga nota dihang uyogon. Sa dihang magtugtog, uyogon sa matag tigtugtog ang iyang anklong sa hustong tiyempo.

Ang orangutan nga komon kaayo sa lasang sa Sumatra ug Borneo mao ang kinadak-an sa tanang mananap nga nagpuyo sa kahoy. Ang hingkod na nga laki motimbang ug 90.7 kilos ug ang sukod sa iyang dupa moabot ug 2.4 metros.

Hangtod sa ika-15ng siglo C.E., ang Indonesia naimpluwensiyahan sa Hinduismo ug dayon sa Budhismo. Sa ika-16 nga siglo, ang ilang kultura naimpluwensiyahan na sa Islam. Niana nga siglo nangabot pod ang mga taga-Europe nga nangitag mga panakot, ug dala nila ang Kristiyanong relihiyon.

 Ang mga Saksi ni Jehova, nga ilado sa tibuok kalibotan sa ilang buluhaton sa pagtudlo ug Bibliya, aktibo sa Indonesia sukad sa 1931. Karon duna nay kapin sa 22,000 kanila didto sa Indonesia, nga nagsangyaw usab ngadto sa mga amang. Dili pa dugay, kapin sa 500 ang mitambong sa linaing tigom sa mga Saksi ni Jehova diha sa sign language sa pagsaulog sa kamatayon ni Jesu-Kristo.

Ang Pagmata! gipatik sa 98 ka pinulongan, lakip sa Indonesian (gitawag usab ug Bahasa Indonesia).