Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

PAGMATA! ENERO 2013

 GIDISENYO BA KINI?

Ang Sistema sa Paglupad sa Talingting

Ang Sistema sa Paglupad sa Talingting

ANG paglalin sa talingting maoy usa sa labing katingalahang paglalin sa kalanggaman. Ang 11,000 kilometros nga gilay-on ilang luparon ug kapin sa walo ka adlaw.

Hunahunaa: Ang mga tigdukiduki namanabana nga ang ubang langgam mogamit ug magnetic field sa yuta agig giya sa pagnabigar, nga morag ang ilang utok gibutangag kompas. Posible pod nga ang adlaw maoy ilang gamitong giya kon maadlaw, ug mga bituon kon magabii. Morag mahibalo pod sila sa mga direksiyon sa hangin nga makapabuylo nila sa paglupad. Apan ang mga detalye kon sa unsang paagi kining mga langgama makalahutay sa paglupad sa hilabihan ka layo nga distansiya nakapahingangha sa mga siyentista. “Gitun-an ko kining mga langgama sulod sa 20 na ka tuig,” nag-ingon ang biologong si Bob Gill, “ug nahingangha gihapon ko.”

Unsay Imong Hunahuna? Ang sistema ba sa paglupad sa talingting sulagma lang nga mitungha? O kini ba gidisenyo?