Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

PAGMATA! ENERO 2013

Pagpaniid sa Kalibotan

Pagpaniid sa Kalibotan

Gulf of Mexico

Human sa aksidenteng pagbuto sa oil well niadtong Abril 2010, daghan kaayong aseite ug gas mibugwak sa dagat halos tulo ka bulan. Gipakita sa panukiduki nga paglabayg duha ka bulan ug tunga, wala nay makitang aseite kay gikaon kono sa mga bakterya nga gustog methane. Apan nagduhaduha ang ubang eksperto. Sila nagtuo nga ang kadaghanan niini nanglugdang.

Russia

Sumala sa usa ka surbi, 59 porsiyento sa mga taga-Russia nga nag-edad ug 18 ngadto sa 35 nagtuo nga “aron molampos sa kinabuhi, dili kinahanglang mosubay ka kanunay sa imong mga prinsipyo ug mga sukdanan,” nag-ingon ang mantalaang Rossiiskaya Gazeta.

Peru

Ang pipila sa labing karaang agungal nga nakaplagan (sama niining sa ibabaw) nagpakita nga ang mga tawo sa amihanang Peru naghimo nag popcorn ug harinang mais labing menos 3,000 ka tuig kanhi.

Italy

Si Lucio Soravito De Franceschi, Katolikong obispo sa Adria-Rovigo, nagtuo nga ang mensahe bahin sa Diyos angayng “personal nga ipaabot ngadto sa mga tawo” diha sa ilang mga balay. “Imbes manawag ug mga magsisimba pinaagi sa pagbagting sa kampana, kami ingong magbalantay sa panon angayng mangadto sa balay ug balay,” siya miingon.

South Africa

Ang kantidad sa inesmagol nga sungay sa rhinoceros nga gamitong medisina moabot ug $65,000 (U.S.) ang kilo. Niadtong 2011, sa South Africa lang daan, 448 ka rhino ang gipamatay. Ang mga museyo ug subastahanan sa Europe gilungkab sa mga gang nga nagpangitag mga sungay. Bisan ang mga rhino sa mga zoo sa Europe gituohang puntirya usab.