Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

PAGMATA! OKTUBRE 2012

Magmaorganisado

Magmaorganisado

Ang gamayng panahon nga gamiton aron mahimong organisado daghag kaayohan—mas daghan ang panahon, mas menos ang tensiyon, ug mas dagko ang grado.

HANDURAWA nga misulod kag tindahan kay duna kay paliton, pero nagkayamukat ang mga baligya. Unsa kaha kadugay ka mangita sa imong paliton? Dili ba dali nimong makit-an ang mga baligya kon hapsay kini nga pagkadispley ug ang mga agianan may mga karatula kon unsa nga mga baligya ang anaa diha? Puwedeng ingon usab niini ang imong himoon bahin sa pag-eskuyla. Sa unsang paagi?

Paghimog eskedyul.

“Kas-a nalimot ko sa akong homwork—ug wala pod nako mahimo ang akong mga buluhaton sa balay—kay didto ko sa balay sa akong higala tibuok Sabado ug Dominggo,” miingon ang 18 anyos nga si Zachary, nga taga-United States. “Pagka-Lunes, gihangyo nako ang akong mga titser nga i-ulahi nakog pasa ang akong asaynment. Karon ilista nako ang akong buhatonon aron dili ko malimot.”

Ang paglista nakatabang usab kang Celestine nga taga-Papua New Guinea. Sa namalandong sa panahong nag-eskuyla pa siya, siya miingon: “Duna koy eskedyul sa tanan nakong mga buhatonon, lakip sa homwork, exam, ug mga lulinghayaw. Kini nakatabang nako sa pag-una sa mga butang nga importante ug sa pagtapos sa buluhaton sa tukmang panahon.”

Sugyot: Ilista ang imong mga buhatonon diha sa gamayng notbok, o ibutang kini diha sa imong cellphone o ubang gadyet.

Ayaw paglangay-langay.

Dali kaayo ang pag-ingon, “Unya ra nako na buhaton.” Mas maayo nga himoon dayon ang mga buluhaton—ilabina ang imong homwork.

Sugyot: Batasana nga pag-abot nimo sa balay, himoa dayon ang imong homwork sa dili pa motan-awg TV o maglingawlingaw.

Andama ang imong gamitonon sa eskuylahan.

Nakasulay ka ba nga nalimot sa pagdalag notbok, bolpen, o mga libro? Unsay imong himoon aron dili ka mahasol? “Andamon nakong daan ang akong mga gamit diha sa bag,” miingon si Aung Myo Myat, batan-ong lalaki nga taga-Myanmar.

Sugyot: Ayohag hapnig ang sulod sa imong bag aron makita dayon ang imong mga gamit.

Ang punto: Kon organisado ka, dili ka matensiyon kay daghan kag nalimtan, magsigeg ka-late, ug morag kulang pirmeg panahon alang sa mas importanteng mga butang.

Sulayi kini. Paghunahuna kon unsay angay nimong organisahon. Dayon, hangyoa ang imong ginikanan o higala sa pagtabang nimo sa pagpangitag mga paagi kon unsaon nimo pag-uswag.

Pagkat-og Dugang

Unsaon Nako Paghunong ang Akong Pagkalangay-langayan?

Sayra ang mga sugyot kon himoon aron mahunong ang pagkalangay-langayan!

Daghan Ka bag Homwork?

Nabug-atan ka ba? Unsay makatabang nimo?

Kon Unsaon sa Pagpahimulos ug Maayo sa Imong Panahon

Ang usa sa paagi nga mapahimuslan nimog maayo ang imong panahon mao ang pagtimbang-timbang sa imong kinabuhi pinasukad sa duha ka panglantaw. Unsa kini?