Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

PAGMATA! PEBRERO 2010

“Dili na Ko Kaagwanta!”

“Dili na Ko Kaagwanta!”

 “Dili na Ko Kaagwanta!”

Ang balay daghag guba kay kana gipasagdan. Dili na maihap ang bagyo nga mihaguros ug mipahuyang niana. Karon, kana gabok ug kahugnoon na.

INGON niana ang kahimtang sa daghang kaminyoon karon. Ingon ba usab niana ang imong kaminyoon? Kon mao, hinumdomi nga ang tanang magtiayon makasinatig problema. Gani ang Bibliya nag-ingon nga kadtong magminyo lagmit makasinatig “kasakit ug kaguol.”—1 Corinto 7:28, The New English Bible.

Tinuod gayod ang maong mga pulong tungod kay ang usa ka grupo sa mga tigdukiduki miingon nga “dakong risgo ang pagsulod sa salag sa kaminyoon ug daghan ang buot mosulod niana.” Ilang nakita nga “sa sinugdanan ang kaminyoon malipayon kaayo apan paglabay sa panahon kana mapunog kasakit ug mga luha.”

Komosta ang imong kaminyoon? Apektado ba kini niining mosunod nga mga problema?

● Kanunayng paglalis

● Sakit nga sinultihan

● Pagluib

● Kasuko

Kon ang imong kaminyoon kahugnoon na, unsay angay nimong himoon? Diborsiyo ba ang solusyon?

[Kahon/Hulagway sa panid 3]

‘KARON KOMON NA KAAYO KINI’

Sa ubang mga nasod, nagkadaghang magtiayon ang magdiborsiyo. Tagda pananglitan ang United States, diin kaniadto pipila ra ang magbulag. Si Barbara Dafoe Whitehead miingon diha sa iyang librong The Divorce Culture nga human sa 1960, “midaghan pag-ayo ang nagbulag.” Matod niya, “sulod lang sa usa ka dekada, midoble ang gidaghanon sa nagbulag ug kini padayon pa nga midaghan diha sa datong mga dapit sa Kasadpan hangtod sa unang bahin sa katuigan sa 1980. Kaniadto pipila lang ka Amerikano ang magbulag apan karon kini komon na kaayo ug kini nga kausaban nahitabo sulod lang sa tulo ka dekada.”