Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

PAGMATA! 2007-11

Usa ka Talagsaong Basahon

Usa ka Talagsaong Basahon

“Ang Bibliya mao ang labing kaylap nga pagkaapod-apod nga basahon sa kasaysayan.”—The World Book Encyclopedia.

KAPIN sa 550 ka tuig kanhi, ang Alemang imbentor nga si Johannes Gutenberg nagsugod sa pagpatik pinaagig movable type nga pag-imprenta. Ang kinaunahan nga iladong libro nga iyang naimprenta mao ang Bibliya. * Sukad niadto, bilyon-bilyong libro na ang naimprenta sa nagkalainlaing mga ulohan. Apan ang Bibliya ang labing talagsaon niining tanan.

  • Gibanabana nga kapin sa 4.7 bilyones ka Bibliya (tibuok o ubang bahin niini) ang naimprenta na. Kini maoy kapin sa lima ka pilo nga mas daghan kay sa ikaduhang labing kaylap nga pagkaapod-apod nga basahon, ang Quotations From Chairman Mao.

  • Kapin sa 50 milyones ka kopya sa Bibliya o mga bahin niini naapod-apod di pa dugay sa usa lang ka tuig. “Ang Bibliya mao ang labing himalitan nga libro tuig-tuig,” matod pa sa usa ka taho sa magasing The New Yorker.

  • Ang tibuok o ubang bahin sa Bibliya nahubad sa kapin sa 2,400 ka pinulongan. Labing menos ang ubang bahin sa Bibliya mabatonan sa mga pinulongan nga gisulti sa kapin sa 90 porsiyento sa mga tawo.

  • Mga katunga sa mga magsusulat sa Bibliya nakatapos na sa ilang pagsulat sa wala pa matawo si Confucius, ang gibantog nga maalamong Insek, ug si Siddhārtha Gautama, ang amahan sa Budhismo.

  • Ang Bibliya dako kaayog impluwensiya sa arte, lakip sa pipila sa gibantog sa kalibotan nga mga dibuho, musika, ug literatura.

  • Ang Bibliya nakalahutay bisan sa pagdili sa gobyerno, pagpanunog sa relihiyosong mga kaaway, ug pagsaway sa mga kritiko. Walay laing libro sa kasaysayan ang nakaagom ug grabeng pagsupak—ug bisan pa niana nakalahutay gihapon.

Ang mga detalye nga gihisgotan sa ibabaw talagsaon, dili ba? Siyempre, kini nga mga detalye ug ang gidaghanon sa naimprenta dili igo sa pagpamatuod nga kasaligan ang Bibliya. Sunod, atong susihon ang lima ka katarongan kon nganong milyon-milyong tawo kombinsido nga kasaligan ang Bibliya.

^ par. 3 Ang Bibliya ni Gutenberg naimprenta niadtong mga 1455 sa Latin nga pinulongan.