Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Ang Bantayanang Torre—Tun-anang Edisyon  |  Abril 2016

Mga Pangutana Gikan sa mga Magbabasa

Mga Pangutana Gikan sa mga Magbabasa

Unsa ang “timaan” ug “timbre” nga nadawat sa matag dinihogang Kristohanon gikan sa Diyos?—2 Cor. 1:21, 22.

Kaniadto, ang igtitimbre nga singsing iduot ngadto sa yutang kulonon o sa talo (wax) aron sa pagpamatuod sa usa ka dokumento

Timaan: Sumala sa usa ka reperensiya, ang Gregong pulong nga gihubad ug “timaan” diha sa 2 Corinto 1:22 maoy “legal ug komersiyal nga termino” nga nagkahulogang “unang data, deposito, patinga, garantiya sa butang nga gipalit, ug busa naghatag ug legal nga katungod sa mipalit niana, o naghimong balido sa usa ka kontrata.” Maylabot sa mga dinihogan, ang bug-os nga bayad, o ganti, gihubit diha sa 2 Corinto 5:1-5 ingong pagsul-ob ug dili madunot nga langitnong lawas. Ang ganti naglakip usab sa pagkadawat sa gasa nga imortalidad.—1 Cor. 15:48-54.

Sa modernong Grego, ang susamang ekspresyon gigamit alang sa singsing nga kinuptanan. Kini maoy haom nga paghulagway niadtong mahimong bahin sa simbolikong asawa ni Kristo.—2 Cor. 11:2; Pin. 21:2, 9.

Timbre: Kaniadto, ang timbre gigamit ingong pirma aron pamatud-an ang usa ka kasabotan, o ang pagpanag-iya o pagkatinuod sa usa ka butang. Maylabot sa mga dinihogan, sila “gitimbrehan,” o gimarkahan, sa balaang espiritu sa simbolikong paagi ingong gipanag-iya sa Diyos. (Efe. 1:13, 14) Hinunoa, ayha pa mahimong permanente ang timbre sa mga dinihogan sa hapit na silang mamatay nga matinumanon o sa dili pa magsugod ang dakong kasakitan.—Efe. 4:30; Pin. 7:2-4.