Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Ang Bantayanang Torre  |  Num. 5 2017

 PANGUNANG TOPIKO | MGA ANGHEL​—TINUOD BA SILA? NGANONG ANGAY KANG MAHIBALO?

Mga Anghel​—Duna ba Silay Mahimo sa Imong Kinabuhi?

Mga Anghel​—Duna ba Silay Mahimo sa Imong Kinabuhi?

Usa ka Dominggo sa hapon, si Kenneth ug Filomena, nga taga-Curaçao, mibisita sa magtiayon nga ilang gidumalahan ug pagtuon sa Bibliya.

“Pag-abot namo,” miingon si Kenneth, “sirado ang balay ug wala diha ang kotse. Pero may nakaaghat nako nga tawgan ang cellphone sa asawa.”

Gitubag kini sa babaye ug miingon nga ang iyang bana atua sa trabahoan. Pero pagkahibalo sa babaye nga si Kenneth ug Filomena naa sa gawas, iya silang gipadayon.

Namatikdan sa magtiayon nga siya naghilak. Dihang nag-ampo na si Kenneth agig pagsugod sa pagtuon sa Bibliya, mihilak na sab ang babaye. Busa gipangutana siya ni Kenneth ug Filomena kon unsay iyang problema.

Ang babaye miingon nga gusto siyang maghikog nianang hapona, ug naghimo siyag sulat para sa iyang bana dihang mitawag si Kenneth. Iyang gisultihan sila nga nag-antos siyag depresyon, ug ilang gibasahan siya ug makahupayng mga teksto sa Bibliya. Kana nga paghupay nakaluwas ug kinabuhi.

“Nagpasalamat mi kang Jehova kay iya ming gigamit sa pagtabang niining naguol pag-ayong babaye,” miingon si Kenneth, “ug ilabina sa pag-aghat namo​—tingali pinaagig anghel o sa Iyang balaang espiritu—​nga tawgan ang babaye!” *

Husto ba si Kenneth ug Filomena sa pagtuo nga ang Diyos nangilabot, pinaagig anghel o sa Iyang balaang espiritu, o aktibong puwersa? O ang pagtawag ba ni Kenneth naatol lang?

Dili ta makaseguro. Apan nahibalo ta nga gamiton sa Diyos ang iyang mga anghel sa pagtabang sa mga tawo sa espirituwal nga paagi. Pananglitan, ang Bibliya nag-ingon nga ang Diyos nagpadalag anghel ngadto sa Kristohanong magwawali nga si Felipe sa pagtabang sa Etiopianhong opisyal nga gustong mahibalo bahin sa Diyos.​—Buhat 8:26-31.

Ang lainlaing mga relihiyon nagtudlo nga dunay gamhanang espiritung mga linalang, diin ang uban kanila ginaingon nga buotan, nga nagtuman sa kabubut-on sa Diyos o nagsilbing mga anghel dela guwardiya. Daghan ang nagtuo nga duna gyoy mga anghel ug nga sila makatabang nila. Apan, may mga tawo nga dili motuo ug mga anghel.

Duna ba gyoy mga anghel? Kon oo, unsay ilang sinugdanan? Unsa may giingon sa Bibliya bahin sa mga anghel? Duna ba silay mahimo sa imong kinabuhi? Atong susihon.

^ par. 8 Jehova ang ngalan sa Diyos sumala sa Bibliya.​—Salmo 83:18.