Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Mga Sumaryo sa What Can the Bible Teach Us?

15. Ang Hustong Paagi sa Pagsimba sa Diyos

15. Ang Hustong Paagi sa Pagsimba sa Diyos

1 KON SA UNSANG PAAGI MAILHAN ANG MATUOD NGA PAGSIMBA

“Sigpit ang ganghaan ug hagip-ot ang dalan padulong sa kinabuhi, ug diyutay ra ang mga nakakaplag niini.”Mateo 7:14

Nganong nahibalo ta nga dili tanang matang sa pagsimba ang dalawaton sa Diyos?

  • Mateo 7:21-23

    Dili tanang relihiyon ang dalawaton sa Diyos. Dili tanang relihiyon nagtuman sa kabubut-on sa Diyos.

  • Mateo 7:13, 14

    Ang matuod nga pagsimba motultol sa kinabuhing walay kataposan. Ang bakak nga relihiyon motultol sa kalaglagan.

  • Mateo 7:16, 17

    Ang matuod nga pagsimba mailhan pinaagi sa mga buhat niini. Dili kinahanglang tun-an pa nimo ang tanang relihiyon; ang giingon lang sa Bibliya maoy tun-i.

2 ANG HUSTONG PAAGI SA PAGSIMBA SA DIYOS

3 KINAHANGLAN KANG MOLIHOK SUMALA SA IMONG GITUOHAN

Unsay imong buhaton kon gusto nimo nga dawaton sa Diyos ang imong pagsimba?

  • Santiago 2:19

    Dili igo nga motuo lang ka sa Diyos. Kinahanglang sundon nimo ang giingon sa Bibliya.

  • Isaias 52:11; Pinadayag 17:5

    Ang bakak nga relihiyon, o “Dakong Babilonya,” nagtudlo sa mga tawo sa pagsimba sa Diyos sa paagi nga dili dalawaton kaniya. Ang mga doktrina sa bakak nga relihiyon naglakip sa Trinidad, pagkadili-mamatay sa kalag, ug nagkalayong impiyerno.

  • Pinadayag 18:4, 8

    Hapit nang laglagon ni Jehova ang tanang bakak nga relihiyon. Isalikway ang tanang butang may kalabotan sa bakak nga pagsimba.

  • Marcos 10:28-30

    Tingali makaatubang kag pagsupak, pero dili gayod ka pasagdan ni Jehova.