Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Pamati sa Diyos ug Mabuhi Ka sa Walay Kataposan

 BAHIN 3

Unsay Kinabuhi Kaniadto sa Paraiso?

Unsay Kinabuhi Kaniadto sa Paraiso?

Gihatagan ni Jehova si Adan ug Eva ug daghang maayong butang. Genesis 1:28

Gilalang ni Jehova ang unang babaye, si Eva, ug gihatag siya kang Adan aron mahimong iyang asawa.—Genesis 2:21, 22.

Sila gilalang ni Jehova nga dunay hingpit, o walay depekto, nga hunahuna ug lawas.

Ang ilang Paraisong puy-anan mao ang tanaman sa Eden—usa ka nindot kaayong dapit nga may mga suba, mga kahoyng mamunga, ug mga hayop.

Si Jehova nakigsulti kanila; siya nagtudlo kanila. Kon sila namati kaniya, sila mabuhi unta sa walay kataposan sa Paraiso sa yuta.

 Ang Diyos nagdili sa pagkaon sa bunga sa usa sa mga kahoy. Genesis 2:16, 17

Gipakita ni Jehova kang Adan ug Eva ang usa ka kahoy nga namunga diha sa tanaman ug iya silang gisultihan nga kon sila mokaon gikan niana, sila mamatay.

Usa sa mga anghel ang mirebelde sa Diyos. Kining daotang anghel mao si Satanas nga Yawa.

Dili gusto ni Satanas nga si Adan ug Eva mosunod kang Jehova. Busa siya migamit ug halas sa pagsulti kang Eva nga kon siya mokaon sa bunga sa maong kahoy, siya dili mamatay kondili mahisama siya sa Diyos. Siyempre, bakak kadto.—Genesis 3:1-5.

Pagkat-og Dugang

Unsa ang Katuyoan sa Diyos Alang sa Yuta?

Gisaysay sa Bibliya kon nganong gilalang sa Diyos ang yuta, kon kanus-a matapos ang pag-antos ug kon unsay mahitabo sa umaabot alang sa yuta ug niadtong magpuyo niana.