Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa video

Mga Saksi ni Jehova

Cebuano

Kinsa ba Gayod ang Nagmando sa Kalibotan?

Kinsa ba Gayod ang Nagmando sa Kalibotan?

Sa imong hunahuna . . .

  • ang Diyos ba?

  • ang mga tawo?

  • o may lain pa?

 KON UNSAY GIINGON SA BIBLIYA

“Ang Daotan maoy nagmando sa kalibotan.”1 Juan 5:19.

“Ang Anak sa Diyos mianhi . . . aron sa paglaglag sa mga buhat sa yawa.”1 Juan 3:8, New Century Version.

KON NGANONG IMPORTANTE NGA IMO KINING MAHIBALOAN

Masabtan nimo kon nganong daghag problema ang kalibotan.Pinadayag 12:12.

Makombinsir ka nga kinahanglang usbon ang kalibotan aron mahimong mas maayong puy-an.1 Juan 2:17.

 MAKATUO BA GYOD TA SA GIINGON SA BIBLIYA?

Oo, tungod sa tulo ka rason:

  • Hapit nang matapos ang pagmando ni Satanas. Gusto gyong taposon ni Jehova ang pagmando ni Satanas sa mga tawo. Siya nagsaad nga ‘laglagon niya ang Yawa’ ug wagtangon ang tanang kadaot nga gihimo ni Satanas.—Hebreo 2:14, Ang Bag-ong Maayong Balita Biblia.

  • Si Jesu-Kristo ang gipili sa Diyos nga momando sa kalibotan. Si Jesus lahi gayod sa bangis ug hakog nga magmamando niining kalibotana. Bahin sa pagmando ni Jesus, ang Diyos nagsaad: “Maluoy siya sa timawa ug sa kabos . . . Gikan sa pagpanglupig ug sa kapintasan tubson niya ang ilang kalag.”Salmo 72:13, 14.

  • Ang Diyos dili mamakak. Ang Bibliya klarong nag-ingon: “Dili gayod . . . mamakak ang Diyos.” (Hebreohanon 6:18) Kon mosaad si Jehova, seguradong iya kining tumanon! (Isaias 55:10, 11) “Ang magmamando niining kalibotana palagpoton.”Juan 12:31.

 HUNAHUNAA KINI

Unsa kahay kahimtang sa kalibotan kon mahanaw na ang magmamando niini?

Ang Bibliya nagtubag niini sa SALMO 37:10, 11 ug PINADAYAG 21:3, 4.

Pagkat-og Dugang

Unsa ang Katuyoan sa Diyos Alang sa Yuta?

Gisaysay sa Bibliya kon nganong gilalang sa Diyos ang yuta, kon kanus-a matapos ang pag-antos ug kon unsay mahitabo sa umaabot alang sa yuta ug niadtong magpuyo niana.