Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Ang Bibliya—Unsay Mensahe Niini?

Nganong Angay Nimong Susihon ang Bibliya?

Nganong Angay Nimong Susihon ang Bibliya?

Sinati ka ba sa Bibliya? Kini mao ang labing kaylap nga napanagtag nga basahon sa tibuok kasaysayan. Napamatud-an sa mga tawo sa lainlaing kultura nga ang mensahe niini maoy tinubdan sa paghupay ug paglaom, ug ang tambag niini mapuslanon sa adlaw-adlaw nga pagkinabuhi. Apan daghang tawo karon wala kaayoy nahibaloan sa Bibliya. Relihiyoso ka man o dili, lagmit maikag ka niini. Kining brosyura makatabang kanimo nga masinati sa mensahe sa Bibliya.

SA DILI pa nimo basahon ang Bibliya o Balaang Kasulatan, mas maayo kon mahibalo ka una kon giunsa kini paghan-ay. Kini maoy koleksiyon sa 66 ka basahon, gikan sa Genesis ngadto sa Pinadayag.

Kinsay awtor o tinubdan sa mensahe sa Bibliya? Makapainteres kanang pangutanaha. Ang tinuod kini gisulat sa mga 40 ka lalaki sulod sa mga 1,600 ka tuig. Apan matikdi nga wala gayod sila mangangkon nga silay tinubdan sa mensahe niini. Usa kanila misulat: “Ang tibuok Kasulatan inspirado sa Diyos.” (2 Timoteo 3:16) Ang lain pang magsusulat miingon: “Ang espiritu ni Jehova mao ang misulti pinaagi kanako, ug ang iyang pulong diha sa akong dila.” (2 Samuel 23:2) Oo, sila miingon nga si Jehova nga Diyos, ang Supremong Magmamando sa uniberso, maoy Awtor sa Bibliya. Dugang pa, ilang gipadayag nga ang Diyos gustong makigsuod sa mga tawo.

Duna pay laing gikinahanglan aron imong masabtan ang Bibliya. Ang Kasulatan adunay usa ka tema: ang pagbayaw sa katungod sa Diyos sa pagmando sa katawhan pinaagi sa iyang langitnong Gingharian. Sa mosunod nga mga panid, imong makita kon sa unsang paagi kining temaha nalangkit sa mensahe diha sa Genesis ngadto sa Pinadayag.

Hinumdomi kining mga puntoha samtang imong tagdon ang mensahe nga makaplagan niining labing popular nga basahon sa kalibotan, ang Bibliya.

^ par. 9 Nagkalainlain ang paagi sa pagpaila sa mga petsa. Niini nga brosyur, ang C.E. nagtumong sa “Common Era” ug ang B.C.E. nagpasabot nga “Before the Common Era.” Makita nimo kini diha sa mga petsa sa ubos sa mga pahina.

Pagkat-og Dugang

Nganong Tun-an ang Bibliya?

Ang Bibliya nagtabang sa minilyong tawo sa tibuok kalibotan nga masayran ang tubag sa dagkong pangutana bahin sa kinabuhi. Gusto ba sab nimong masayran kini?