Laktaw ngadto sa video

Laktaw ngadto sa secondary menu

Mga Saksi ni Jehova

Cebuano

Matapos pa Kaha ang Pag-antos?

Matapos pa Kaha ang Pag-antos?

Unsay imong tubag . . .

  • oo?

  • dili?

  • tingali?

 KON UNSAY GIINGON SA BIBLIYA

“Ang Diyos . . . magpahid sa tanang luha sa ilang mga mata, ug wala nay kamatayon, pag-antos, paghilak, o kasakit.”Pinadayag 21:3, 4, Contemporary English Version.

KON UNSAY KAAYOHAN NIINI ALANG KANIMO

Makasalig ka nga ang Diyos dili maoy hinungdan sa imong mga problema.Santiago 1:13.

Mahupayan kang mahibalo nga ang Diyos nakasabot gyod sa imong gibati dihang ikaw mag-antos.Zacarias 2:8.

Makasalig ka nga matapos ang tanang pag-antos.Salmo 37:9-11.

 MAKATUO BA GYOD TA SA GIINGON SA BIBLIYA?

Oo, tungod sa duha ka rason:

  • Ang Diyos wala malipay sa pag-antos ug inhustisya. Matikdi kon unsay gibati ni Jehova nga Diyos sa dihang gidaogdaog ang iyang katawhan kaniadto. Ang Bibliya nag-ingon nga siya nasakitan tungod “sa mga nagdaogdaog kanila.”Maghuhukom 2:18, Bag-ong Kalibotang Hubad.

    Ang Diyos dili gayod malipay niadtong mohimog kadaot sa uban. Pananglitan, ang Bibliya nag-ingon nga gidumtan niya ang “mga kamot nga nagaula ug inosenteng dugo.”Proverbio 6:16, 17.

  • Ang Diyos may kahingawa sa matag usa kanato. Dili lang ang matag tawo ang nahibalo sa “iyang hampak ug sa iyang kasakit” kondili si Jehova usab!2 Cronicas 6:29, 30.

    Pinaagi sa iyang Gingharian, hapit nang taposon ni Jehova ang pag-antos sa matag usa. (Mateo 6:9, 10) Kasamtangan, mahigugmaon niyang hupayon kadtong sinserong modangop kaniya.Buhat 17:27; 2 Corinto 1:3, 4.

 HUNAHUNAA KINI

Nganong gitugotan sa Diyos ang pag-antos?

Ang Bibliya nagtubag niana sa ROMA 5:12 ug 2 PEDRO 3:9.

Pagkat-og Dugang

MAAYONG BALITA GIKAN SA DIYOS!

Nganong Gitugotan sa Diyos ang Pagkadaotan ug Pag-antos?

Sa unsang paagi nagsugod ang pagkadaotan, ug nganong gitugotan kini sa Diyos nga magpadayon? Matapos pa kaha ang pag-antos?