Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa video

Mga Saksi ni Jehova

Cebuano

Unsay Sekreto sa Malipayon nga Pamilya?

Unsay Sekreto sa Malipayon nga Pamilya?

Sa imong hunahuna . . .

  • gugma?

  • kuwarta?

  • o may lain pa?

 KON UNSAY GIINGON SA BIBLIYA

“Malipayon kadtong nagapatalinghog sa pulong sa Diyos ug nagasunod niini!”Lucas 11:28, Bag-ong Kalibotang Hubad.

KON UNSAY KAAYOHAN NIINI ALANG KANIMO

Makakaplag kag tinuod nga gugma.Efeso 5:28, 29.

Makapahimulos kag tinuod nga pagtahod.Efeso 5:33.

Mobati kag tinuod nga kasegurohan.Marcos 10:6-9.

 MAKATUO BA GYOD TA SA GIINGON SA BIBLIYA?

Oo, tungod sa duha ka rason:

  • Ang Diyos maoy nagtukod sa pamilya. Ang Bibliya nag-ingon nga ‘utang sa tanang kabanayan ang ngalan niini’ kang Jehova nga Diyos. (Efeso 3:14, 15) Sa ato pa, namugna ang pamilya kay gitukod kini ni Jehova. Nganong hinungdanon kini nga punto?

    Tagda kini: Kon gilamian ka sa usa ka sud-an ug gusto kang mahibalo kon giunsa kini pagluto, kang kinsa ka mangutana? Siyempre, sa nagluto niana.

    Sa susama, kon gusto kang mahibalo kon unsay makapalipay sa pamilya, di ba mas maayong moduol kang Jehova kay siya man ang nagtukod niana? Genesis 2:18-24.

  • Ang Diyos nahingawa kanimo. Maayong sundon sa mga pamilya ang tambag ni Jehova diha sa Bibliya. Ngano? “Kay siya may kahingawa kaninyo.” (1 Pedro 5:6, 7) Gihunahuna gyod ni Jehova ang imong kaayohan, ug ang iyang tambag kanunayng epektibo!Proverbio 3:5, 6; Isaias 48:17, 18.

 HUNAHUNAA KINI

Unsay imong buhaton aron mahimo kang maayong bana, asawa, o ginikanan?

Ang Bibliya nagtubag niana sa EFESO 5:1, 2 ug COLOSAS 3:18-21.

Pagkat-og Dugang

Mahimong Magmalipayon ang Imong Pamilya

Mahimong magmalipayon ang inyong panagtiayon ug pamilya pinaagi sa pagpadapat sa mga prinsipyo sa Bibliya.