Laktaw ngadto sa video

Laktaw ngadto sa secondary menu

Mga Saksi ni Jehova

Cebuano

Unsa Kahay Mahitabo sa Umaabot?

Unsa Kahay Mahitabo sa Umaabot?

Ang ato bang kalibotan . . .

  • magpabiling ingon niini?

  • mograbe ang kahimtang?

  • moarang-arang?

 KON UNSAY GIINGON SA BIBLIYA

“Pagapahiran [sa Diyos] ang tanang luha gikan sa ilang mga mata, ug ang kamatayon mawala na, ni may pagbangotan ni pagtiyabaw ni may kasakit pa. Ang unang mga butang nangagi na.”Pinadayag 21:3, 4, Bag-ong Kalibotang Hubad.

KON UNSAY KAAYOHAN NIINI ALANG KANIMO

Makabaton kag makapalipay nga trabaho.Isaias 65:21-23.

Wala na kay sakit o bisan unsang pag-antos.Isaias 25:8; 33:24.

Magmalipayon ka sa walay kataposan uban sa imong pamilya ug mga higala.Salmo 37:11, 29.

 MAKATUO BA GYOD TA SA GIINGON SA BIBLIYA?

Oo, tungod sa duha ka rason:

  • Ang Diyos may gahom sa pagtuman sa iyang saad. Sa Bibliya, si Jehova nga Diyos lang ang gitawag nga “Labing Gamhanan,” kay walay kinutoban ang iyang gahom. (Pinadayag 15:3) Busa siya makatuman gayod sa iyang saad nga himoon ang atong yuta nga mas maayong puy-an. Sama sa gipakita sa Bibliya, mahimo sa Diyos ang tanang butang.Mateo 19:26.

  • Gusto sa Diyos nga tumanon ang iyang saad. Pananglitan, si Jehova ‘nangandoy’ sa pagbanhaw sa mga patay.Job 14:14, 15.

    Gipakita usab sa Bibliya nga ang Anak sa Diyos, si Jesus, nag-ayo sa mga masakiton. Ngano? Kay gusto niya kanang buhaton. (Marcos 1:40, 41) Sama sa iyang Amahan, gustong tabangan ni Jesus ang mga nanginahanglan.Juan 14:9.

    Busa makaseguro ta nga tabangan gyod ta ni Jehova ug ni Jesus nga makabaton ug malipayong kaugmaon!Salmo 72:12-14; 145:16; 2 Pedro 3:9.

 HUNAHUNAA KINI

Unsay himoon sa Diyos aron ang atong kalibotan mas maayong puy-an?

Ang Bibliya nagtubag niana sa MATEO 6:9, 10 ug DANIEL 2:44.

Pagkat-og Dugang

MAAYONG BALITA GIKAN SA DIYOS!

Unsa ang Katuyoan sa Diyos Alang sa Yuta?

Gisaysay sa Bibliya kon nganong gilalang sa Diyos ang yuta, kon kanus-a matapos ang pag-antos ug kon unsay mahitabo sa umaabot alang sa yuta ug niadtong magpuyo niana.

MAAYONG BALITA GIKAN SA DIYOS!

Unsa ang Gingharian sa Diyos?

Kinsa ang Hari sa Gingharian sa Diyos, ug unsay malampos sa Gingharian?