Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Maayong Balita Gikan sa Diyos!

 LEKSIYON 15

Nganong Angay Kang Mopadayon?

Nganong Angay Kang Mopadayon?

1. Sa unsang paagi makabenepisyo ka sa padayong pagtuon sa Bibliya?

Kining sumaryo sa pangunang mga pagtulon-an sa Bibliya nakapalig-on gayod sa imong gugma kang Jehova. Kini nga gugma kinahanglan nga padayong palig-onon. (1 Pedro 2:2) Ang imong paglaom nga mabuhi sa walay kataposan nagdepende sa imong padayong pagpakigsuod sa Diyos pinaagi sa pagtuon sa iyang Pulong.—Basaha ang Juan 17:3; Judas 21.

Samtang mag-uswag ang imong kahibalo bahin sa Diyos, ang imong pagtuo mas molig-on. Ang pagtuo makatabang kanimo sa pagpahimuot sa Diyos. (Hebreohanon 11:1, 6) Kini magpalihok kanimo sa paghinulsol ug sa paghimog mga kausaban sa imong pagkinabuhi.—Basaha ang Buhat 3:19.

2. Sa unsang paagi makatabang sa uban ang imong kahibalo bahin sa Diyos?

Makabaton kag espesyal nga relasyon kang Jehova

Siyempre, gusto nimong ipaambit sa uban ang imong nakat-onan kay malipay gayod kitang mosultig maayong balita. Samtang padayon kang magtuon sa Bibliya, makakat-on ka sa paggamit niini aron isaysay ang imong pagtuo kang Jehova ug sa maayong balita.—Basaha ang Roma 10:13-15.

Ang unang sultihan sa kadaghanan bahin sa maayong balita mao ang ilang mga higala o paryente. Hinuon, magmataktikanhon. Imbes ingnan sila nga sayop ang ilang relihiyon, suginli sila sa mga saad sa Diyos. Hinumdomi usab nga ang imong maayong panggawi sagad mas makapadani sa mga tawo kay sa imong isulti.—Basaha ang 2 Timoteo 2:24, 25.

3. Unsang relasyon uban sa Diyos ang imong matagamtam?

Ang pagtuon sa Pulong sa Diyos motabang kanimo nga mouswag sa espirituwal. Sa ngadtongadto, makabaton kag espesyal kaayo nga relasyon uban kang Jehova. Ikaw mahimong membro sa iyang pamilya.—Basaha ang 2 Corinto 6:18.

 4. Sa unsang paagi makapadayon ka sa pag-uswag?

Mouswag ka sa espirituwal kon mopadayon ka sa pagtuon sa Pulong sa Diyos. (Hebreohanon 5:13, 14) Hangyoa ang usa sa mga Saksi ni Jehova nga dumalahan kag pagtuon sa Bibliya gamit ang librong Unsay Tinuod nga Gitudlo sa Bibliya? Kon mouswag ang imong kahibalo sa Pulong sa Diyos, mas magmalipayon ang imong kinabuhi.—Basaha ang Salmo 1:1-3; 73:27, 28.

Ang maayong balita naggikan kang Jehova, ang malipayong Diyos. Mas masuod ka kaniya kon makigsuod ka sa iyang katawhan. (Hebreohanon 10:24, 25) Pinaagi sa padayong pagpahimuot kang Jehova, imong ginapangab-ot ang tinuod nga kinabuhi—kinabuhi nga walay kataposan. Ang pagpakigsuod sa Diyos mao gayod ang kinamaayohang butang nga imong mahimo.—Basaha ang 1 Timoteo 1:11; 6:19.

 

Pagkat-og Dugang

Unsay Ginahimo Diha sa Kingdom Hall?

Tan-awa ang video aron imong masayran.

Nganong Tun-an ang Bibliya?

Ang Bibliya nagtabang sa minilyong tawo sa tibuok kalibotan nga masayran ang tubag sa dagkong pangutana bahin sa kinabuhi. Gusto ba sab nimong masayran kini?

Pakigsuod sa Diyos Pinaagi sa Pag-ampo

Mamati ba ang Diyos sa imong pag-ampo? Aron matubag kana, kinahanglang imong masabtan ang gitudlo sa Bibliya bahin sa pag-ampo.