Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Maayong Balita Gikan sa Diyos!

 LEKSIYON 13

Unsa ang Maayong Balita Bahin sa Relihiyon?

Unsa ang Maayong Balita Bahin sa Relihiyon?

1. Maayo ba ang tanang relihiyon?

Adunay sinserong mga tawo sa tanang relihiyon. Maayo gayong balita nga ang Diyos nakakita ug nahingawa kanila. Apan ikasubo nga ang relihiyon gigamit alang sa daotang mga buhat. (2 Corinto 4:3, 4; 11:13-15) Sumala sa mga balita, ang pipila ka relihiyon nalangkit pa gani sa terorismo, pagpuo sa rasa, gubat, ug pag-abuso sa mga bata. Makapaguol gayod kini sa mga tawong sinserong nagtuo sa Diyos!—Basaha ang Mateo 24:3-5, 11, 12.

Sukwahi sa matuod nga relihiyon nga naghimaya sa Diyos, ang bakak nga relihiyon nakapayugot kaniya. Kini nagtudlog mga ideya nga wala sa Bibliya, lakip na sa bakak nga mga doktrina bahin sa Diyos ug sa patay. Apan gusto ni Jehova nga ang mga tawo makakat-on sa kamatuoran bahin kaniya.—Basaha ang Ezequiel 18:4; 1 Timoteo 2:3-5.

2. Unsa ang maayong balita bahin sa relihiyon?

Ikalipay, ang Diyos dili malimbongan sa mga relihiyon nga nag-angkong nahigugma kaniya apan nahigugma diay sa kalibotan ni Satanas. (Santiago 4:4) Gitawag sa Bibliya ang tanang bakak nga relihiyon ingong “Dakong Babilonya.” Ang Babilonya mao ang karaang siyudad diin nagsugod ang bakak nga relihiyon human sa Lunop sa adlaw ni Noe. Sa dili madugay, kalit nga laglagon sa Diyos ang relihiyon nga naglimbong ug nagdaogdaog sa mga tawo.—Basaha ang Pinadayag 17:1, 2, 5, 16, 17; 18:8.

Duna pay maayong balita. Si Jehova wala malimot sa sinserong mga tawo nga natibulaag diha sa bakak nga mga relihiyon sa tibuok kalibotan. Siya naghiusa kanila pinaagi sa pagtudlo kanila sa kamatuoran.—Basaha ang Miqueas 4:2, 5.

 3. Unsay angayng buhaton sa sinserong mga tawo?

Ang matuod nga relihiyon naghiusa sa mga tawo

Si Jehova nahingawa sa mga tawo nga nahigugma sa kon unsay matuod ug maayo. Siya nag-awhag kanila nga biyaan ang bakak nga relihiyon. Ang mga tawo nga nahigugma sa Diyos gustong mohimog kausaban aron mapahimut-an Siya.—Basaha ang Pinadayag 18:4.

Sa unang siglo, sa dihang ang sinserong mga tawo nakadungog sa maayong balita gikan sa mga apostoles, sila nalipay. Nakat-onan nila gikan ni Jehova ang bag-ong pagkinabuhi—mas malipayong pagkinabuhi nga may katuyoan ug paglaom. Maayo silang panig-ingnan kanato kay ilang gidawat ang maayong balita ug giuna si Jehova sa ilang kinabuhi.—Basaha ang 1 Tesalonica 1:8, 9; 2:13.

Kadtong mobiya sa bakak nga relihiyon dawaton ni Jehova ingong sakop sa iyang pamilya sa mga magsisimba. Kon dawaton nimo ang mainitong pagdapit ni Jehova, ikaw mahimong iyang higala, makabatog bag-o ug mahigugmaong pamilya sa mga magsisimba ni Jehova, ug makadawat sa kinabuhing walay kataposan.—Basaha ang Marcos 10:29, 30; 2 Corinto 6:17, 18.

4. Sa unsang paagi ang Diyos maghatag ug kalipay sa tanang kanasoran?

Ang nagsingabot nga kalaglagan sa bakak nga relihiyon maoy maayong balita. Mawagtang na ang pagdaogdaog sa tibuok kalibotan. Ang mga tawo dili na gayod malimbongan ug mabahinbahin tungod sa bakak nga relihiyon. Ang tanang may kinabuhi magkahiusa sa pagsimba sa bugtong matuod nga Diyos.—Basaha ang Pinadayag 18:20, 21; 21:3, 4.

 

Pagkat-og Dugang

Pagsimba nga Giuyonan sa Diyos

Tagda ang unom ka ilhanan sa mga tawo nga nagpadapat sa pagtulon-an sa matuod nga relihiyon.

Barog Dapig sa Matuod nga Pagsimba

Nganong dili sayon ang pagpaambit sa imong pagtuo ngadto sa uban? Unsaon nimo kini paghimo nga dili makapasuko nila?