Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Kinsay Nagabuhat sa Kabubut-on ni Jehova Karon?

 LEKSIYON 21

Unsa ang Bethel?

Unsa ang Bethel?

Art Department, U.S.A.

Germany

Kenya

Colombia

Ang Bethel maoy Hebreohanong ngalan nga nagkahulogang “Balay sa Diyos.” (Genesis 28:17, 19) Kini haom nga pagtawag sa mga pasilidad sa mga Saksi ni Jehova sa tibuok kalibotan diin ginaorganisar ug ginasuportahan ang buluhatong pagsangyaw. Ang Nagamandong Lawas nag-alagad sa tibuok-kalibotang hedkuwarter sa New York State, U.S.A., ug gikan didto kini nagdumala sa buluhaton sa mga sangang buhatan sa daghang nasod. Sa katibuk-an, ang mga nag-alagad sa maong mga pasilidad gitawag ug pamilyang Bethel. Samag pamilya, sila nag-uban sa pagpuyo, pagtrabaho, pagpangaon, ug pagtuon sa Bibliya.—Salmo 133:1.

Espesyal nga dapit diin ang mga membro niini nga pamilya masakripisyohong nag-alagad. Sa matag Bethel, adunay Kristohanong mga lalaki ug babaye nga bug-os panahong nagtuman sa kabubut-on sa Diyos ug nagpalambo sa intereses sa Gingharian. (Mateo 6:33) Sila walay suweldo, apan gitagan-ag puy-anan, pagkaon, ug alawans alang sa personal nga galastohan. Ang matag usa sa Bethel giasaynag trabaho—sa opisina, kosina, o sa komedor. Ang uban giasayn sa imprentahan o tahianag libro, paghinlog kuwarto, panglaba, maintenance, o uban pa.

Puliking dapit nga nagsuportar sa pagsangyaw sa Gingharian. Ang pangunang katuyoan sa Bethel mao ang pagpakaylap sa kamatuoran sa Bibliya ngadto sa labing daghang tawo. Kining brosyura maoy usa ka pananglitan. Kini gisulat ubos sa pagdumala sa Nagamandong Lawas, gipadala pinaagig computer ngadto sa gatosan ka tem sa mga maghuhubad sa tibuok kalibotan, ug giimprenta sa paspas kaayong mga makina diha sa ubay-ubayng pasilidad sa Bethel, ug gipadala sa kapig 110,000 ka kongregasyon. Sa matag ang-ang sa maong proseso, ang mga pamilyang Bethel nagsuportar gayod sa labing dinaliang buluhaton—ang pagsangyaw sa maayong balita.—Marcos 13:10.

  • Kinsay nag-alagad sa Bethel, ug unsay mga tagana alang kanila?

  • Unsang dinaliang buluhaton ang gisuportahan sa mga kalihokan sa Bethel?

Pagkat-og Dugang

Video Clip: Mga Saksi ni Jehova Nagsangyaw sa Tibuok Kalibotan

Sayra kon nganong naggugol kami ug binilyong oras sa pagsangyaw sa ginatos ka pinulongan.