Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Kinsay Nagabuhat sa Kabubut-on ni Jehova Karon?

 LEKSIYON 14

Unsa nga mga Tunghaan ang Gitagana Para sa mga Payunir?

Unsa nga mga Tunghaan ang Gitagana Para sa mga Payunir?

United States

Tunghaang Gilead, Patterson, New York

Panama

Sukad pa sa una, ang teokratikanhong edukasyon hinungdanon kaayo para sa mga Saksi ni Jehova. Dunay linaing pagbansay para niadtong naggugol ug dakong panahon sa pagsangyaw sa Gingharian aron ilang ‘matuman sa bug-os ang ilang ministeryo.’—2 Timoteo 4:5.

Pioneer Service School. Dihang ang regular payunir usa na ka tuig sa bug-os panahong pag-alagad, siya makaeskuyla niining unom ka adlaw nga tunghaan diha sa Kingdom Hall. Katuyoan niini nga mas masuod siya kang Jehova, mahimong mas epektibo sa tanang bahin sa ministeryo, ug makapabiling matinumanon sa iyang pag-alagad.

School for Kingdom Evangelizers. Katuyoan niining duha ka bulan nga tunghaan nga bansayon ang eksperyensiyadong mga payunir nga andam moalagad diin sila gikinahanglan. Sama rag miingon sila, “Ania ako! Ipadala ako,” agig pagsundog kang Jesu-Kristo, ang kinalabwang Ebanghelisador sa yuta. (Isaias 6:8; Juan 7:29) Tingali kinahanglan nilang pasimplehon ang ilang kinabuhi dihang mag-alagad sa ubang lugar. Ang kultura, klima, ug pagkaon tingali lahi sa ilang naandan. Basin kinahanglan silang magtuon ug ubang pinulongan. Kini nga tunghaan makatabang sa mga ulitawo, dalaga, ug magtiayon, nga nag-edad ug 23 hangtod sa 65 anyos, sa pag-ugmad ug espirituwal nga mga hiyas nga ilang gikinahanglan sa ilang asaynment ug sa pagpauswag sa ilang mga kahanas aron magamit silag maayo ni Jehova ug sa organisasyon.

Watchtower Bible School of Gilead. Sa Hebreo, ang “Gilead” nagkahulogang “Tapok nga Saksi.” Sukad sa pagsugod sa Gilead sa 1943, kapin sa 8,000 ka graduwado ang gipadala ingong mga misyonaryo sa pagsangyaw “hangtod sa kinatumyan sa yuta,” nga may maayong resulta. (Buhat 13:47) Dihang miabot ang unang mga misyonaryo sa Peru, wala pay kongregasyon didto. Karon duna nay kapin sa 1,000. Pag-abot sa unang mga misyonaryo sa Japan, wala pay napulo ang mga Saksi didto. Karon duna nay kapin sa 200,000. Lakip sa lima ka bulan nga kurso sa Gilead ang detalyadong pagtuon sa Pulong sa Diyos. Ang mga espesyal payunir o misyonaryo, kadtong nag-alagad sa mga sangang buhatan, o mga circuit overseer dapiton sa pag-eskuyla sa Gilead sa pagbansay kanila aron mas maorganisar ug mouswag ang tibuok kalibotang buluhaton.

  • Unsay katuyoan sa Pioneer Service School?

  • Kinsay makatungha sa School for Kingdom Evangelizers?

Pagkat-og Dugang

MGA DOKUMENTARYO

Mga Saksi ni Jehova—Organisado sa Pagsangyaw sa Maayong Balita

Ang mga Saksi ni Jehova nailhan sa ilang tibuok kalibotang buluhaton sa pagtudlog Bibliya. Giunsa nila kini pag-organisar, pagdumala, ug pagsuportar sa pinansiyal?

GINGHARIAN SA DIYOS NAGMANDO NA!

Pagbansay sa mga Ministro sa Gingharian

Sa unsang paagi ang teokratikanhong mga tunghaan nag-andam sa mga ministro sa Gingharian sa pagtuman sa ilang mga asaynment?