Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Kinsay Nagabuhat sa Kabubut-on ni Jehova Karon?

 LEKSIYON 7

Giunsa Pagpahigayon ang Among mga Tigom?

Giunsa Pagpahigayon ang Among mga Tigom?

New Zealand

Japan

Uganda

Lithuania

Ang mga Kristohanon sa unang siglo mag-awit, mag-ampo, ug magbasa ug maghisgot sa Kasulatan diha sa ilang mga tigom, nga walay bisan unsang rituwal. (1 Corinto 14:26) Ingon usab niana ang among mga tigom.

Ang pagtudlo gibase sa Bibliya ug praktikal. Kada Sabado o kaha Dominggo, ang matag kongregasyon magtigom aron maminaw sa 30 minutos nga pakigpulong sa Bibliya nga maghisgot sa kapadapatan sa Kasulatan sa atong kinabuhi ug sa mga panghitabo karon. Gidasig ang tanan nga sundan ang mamumulong sa pagbasa sa mga teksto. Sundan kinig usa ka oras nga Pagtuon sa “Bantayanang Torre,” diin ang tanan makaambit sa panaghisgot sa usa ka artikulo sa tun-anang edisyon sa Bantayanang Torre. Kini magtabang namo sa pagpadapat sa Bibliya sa among kinabuhi. Ang samang artikulo tun-an diha sa kapig 110,000 ka kongregasyon sa tibuok kalibotan.

Kini makapauswag sa among katakos sa pagpanudlo. May tigom usab mi sa ubang adlaw sa semana. Kini dunay tulo ka bahin. Kini nga tigom mao ang Atong Kristohanong Kinabuhi ug Ministeryo, nga gibase sa Workbook sa Tigom nga Ki­nabuhi ug Ministeryo nga gitagana kada bulan. Ang unang ­bahin, ang Bahandi gikan sa Pulong sa Diyos, makatabang namo nga mas masabtan ang mga teksto sa senemanang pagbasa sa Bibliya. Ang ikaduhang bahin mao ang Magmaepektibo sa Ministeryo. Kini dunay mga pasundayag kon unsaon pagpakig-estorya sa uban bahin sa Bibliya. May magtatambag nga motabang kanamo sa pagpauswag sa among katakos sa pagbasa ug pagpakigsulti. (1 Timoteo 4:13) Ang kataposang bahin mao ang Kristohanong Pagkinabuhi, nga maghisgot kon unsaon pagpadapat ang mga prinsipyo sa Bibliya sa adlaw-adlawng kinabuhi. Kini naglakip ug pangutanag tubag nga panaghisgot nga magpalalom sa among pagsabot sa Bibliya.

Kon motambong ka sa among tigom, makadayeg ka gayod sa kalidad sa edukasyon nga imong madawat gikan sa Bibliya.—Isaias 54:13.

  • Unsay imong mapatalinghogan sa tigom sa mga Saksi ni Jehova?

  • Sa sunod namong mga tigom, hain ang gusto nimong tambongan?

Pagkat-og Dugang

MGA TIGOM

Unsay Ginahimo Diha sa Kingdom Hall?

Tan-awa ang video aron imong masayran.

KOMON NGA MGA PANGUTANA

Giunsa Pag-organisar sa mga Saksi ni Jehova ang Ilang mga Kongregasyon?

Sayra kon sa unsang paagi kami nakadawat ug giya ug instruksiyon pinaagi niini nga kahikayan.