Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Kinsay Nagabuhat sa Kabubut-on ni Jehova Karon?

 LEKSIYON 22

Unsay Ginahimo Diha sa Sangang Buhatan?

Unsay Ginahimo Diha sa Sangang Buhatan?

Solomon Islands

Canada

South Africa

Ang mga membro sa pamilyang Bethel nag-alagad sa lainlaing departamento nga nagsuportar sa buluhatong pagsangyaw sa usa o ubay-ubayng kanasoran. Dunay naasayn sa paghubad, pag-imprentag magasin, pagtahig mga libro, paghimog audio ug video, o sa pondohanag literatura, ug uban pa.

Komite sa Sanga ang nagdumala sa buluhaton. Gitugyan sa Nagamandong Lawas ang pagdumala sa kalihokan sa matag sangang buhatan ngadto sa Komite sa Sanga, nga gilangkobag tulo o kapin pang takos nga mga ansiyano. Ang komite magreport kanunay ngadto sa Nagamandong Lawas bahin sa pag-uswag sa buluhaton sa matag nasod nga ilang gidumala ug sa motunghang mga problema. Ang maong mga report makatabang sa Nagamandong Lawas sa pagdesisyon kon unsay hisgotan sa umaabot nga mga publikasyon, tigom, ug asembliya. Ang mga hawas sa Nagamandong Lawas regular nga ginapadala aron duawon ang mga sangang buhatan ug giyahan ang mga Komite sa Sanga sa pagtuman sa ilang mga asaynment. (Proverbio 11:14) Himoon ang espesyal nga programa nga naglakip ug pakigpulong sa headquarters representative aron palig-onon ang mga Saksi nga anaa sa teritoryo sa sangang buhatan.

Gisuportahan ang lokal nga mga kongregasyon. Ang tinudlong mga brader sa sangang buhatan mag-aprobar sa pagpormag bag-ong mga kongregasyon. Sila nagdumala sa kalihokan sa mga payunir, misyonaryo, ug circuit overseer nga nag-alagad sa teritoryo sa sangang buhatan. Silay mag-organisar sa mga asembliya ug kombensiyon, pagtukod ug bag-ong mga Kingdom Hall, ug pagpadalag literatura sa mga kongregasyon. Ang tanang ginahimo diha sa sangang buhatan makaamot sa hapsay nga dagan sa buluhatong pagsangyaw.—1 Corinto 14:33, 40.

  • Sa unsang paagi ang mga Komite sa Sanga nagtabang sa Nagamandong Lawas?

  • Unsang mga responsibilidad ang giatiman sa sangang buhatan?