Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Kinsay Nagabuhat sa Kabubut-on ni Jehova Karon?

 LEKSIYON 18

Sa Unsang Paagi Motabang Mi sa mga Igsoon Namong Biktima sa Kalamidad?

Sa Unsang Paagi Motabang Mi sa mga Igsoon Namong Biktima sa Kalamidad?

Dominican Republic

Japan

Haiti

Kon may kalamidad, organisahon dayon sa mga Saksi ni Jehova ang pagtabang sa mga igsoong nabiktima. Kana pagpakita sa tiunay namong gugma sa usag usa. (Juan 13:34, 35; 1 Juan 3:17, 18) Sa unsang mga paagi motabang mi?

Modonar mig salapi. Sa dihang may dakong gutom sa Judea, ang mga Kristohanon sa Antioquia nagpadalag salapi ngadto sa ilang mga igsoon sa pagtuo. (Buhat 11:27-30) Sa susama, inigkahibalo namo nga ang among mga igsoon sa laing dapit anaa sa kalisdanan, magpadala mig mga donasyon pinaagi sa among kongregasyon aron makatabang sa nanginahanglan.—2 Corinto 8:13-15.

Mohatag mig praktikal nga tabang. Panahon sa kalamidad, ang mga ansiyano magsusi kon luwas ba ang matag membro sa kongregasyon. Ang komite sa hinabang maghikay sa pagtaganag pagkaon, hinlong tubig, besti, kapuy-an, ug medikal nga tabang. Ang mga Saksing may kahanas moboluntaryo sa paghatag ug tabang o sa pagreper sa naguba nga mga balay ug Kingdom Hall. Tungod sa among panaghiusa ug kasinatian sa pagtinabangay, makatigom dayon mig gikinahanglang hinabang ug makaorganisar ug mga boluntaryo. Tinuod, tabangan namo ang among mga igsoon sa pagtuo, apan tabangan usab namo ang uban kon posible, bisag unsay ilang relihiyon.—Galacia 6:10.

Motanyag mig paghupay gikan sa Kasulatan. Ang mga biktima sa kalamidad ilabinang nagkinahanglag paghupay. Sa maong panahon, kami palig-onon ni Jehova, “ang Diyos sa tanang paghupay.” (2 Corinto 1:3, 4) Malipay ming ipaambit ang mga saad sa Bibliya ngadto sa nawad-ag paglaom, nga pasaligan sila nga hapit nang wagtangon sa Gingharian sa Diyos ang tanang hinungdan sa kasakit ug pag-antos.—Pinadayag 21:4.

  • Nganong ang mga Saksi makatabang dayon panahon sa kalamidad?

  • Unsang paghupay gikan sa Kasulatan ang among ikapaambit sa mga biktima sa kalamidad?