Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Kinsay Nagabuhat sa Kabubut-on ni Jehova Karon?

 LEKSIYON 6

Unsay Benepisyo sa Among Pagpakig-uban sa mga Isigka-Kristohanon?

Unsay Benepisyo sa Among Pagpakig-uban sa mga Isigka-Kristohanon?

Madagascar

Norway

Lebanon

Italy

Bisan pag mosuot sa bagang lasang o magdaot ang panahon, regular ming motambong sa among tigom. Nganong ang mga Saksi ni Jehova maningkamot nga makig-uban sa isigkamagtutuo bisan pa sa mga problema sa kinabuhi ug kakapoy sa tibuok adlawng pagtrabaho?

Makaayo kini kanamo. ‘Magmahunahunaon sa usag usa,’ misulat si Pablo, nga nagtumong sa among mga igsoon sa kongregasyon. (Hebreohanon 10:24) Nagkahulogan kana nga sination ang usag usa. Busa si Pablo nagdasig nga kita magmahingawaon sa uban. Pinaagi sa pagsinati sa ubang Kristohanong pamilya, nasayran namo nga ang pipila malamposong nakasagubang ug mga problema nga susama sa amoa, ug sila makatabang usab kanamo nga molampos.

Makapalig-on kini sa among panaghigalaay. Sa among tigom, ang nanambong maoy suod nga managhigala, dili lang basta kaila. Sa laing mga higayon, mag-uban pod mi sa paglingawlingaw. Unsay kaayohan niini? Mas mapabilhan namo ang usag usa, ug kana makapalig-on sa among gugma sa usag usa. Kay naugmad namo ang suod nga panaghigalaay, andam ming motabang kon may problema ang among isigkamagtutuo. (Proverbio 17:17) Pinaagi sa pagpakig-uban sa tanan diha sa kongregasyon, among gipakita nga kami may “samang pagtagad alang sa usag usa.”—1 Corinto 12:25, 26.

Gidasig ka namo nga pilion ingong mga higala kadtong nagbuhat sa kabubut-on sa Diyos. Makaplagan mo sila taliwala sa mga Saksi ni Jehova. Busa ayaw tugoti nga may mopugong kanimo sa pagpakig-uban kanamo.

  • Nganong makaayo kanamo ang pagpakig-uban sa mga isigkamagtutuo diha sa tigom?

  • Kanus-a ka motambong aron masinati nimo ang among mga igsoon sa pagtuo sa kongregasyon?

Pagkat-og Dugang

Unsay Ginahimo Panahon sa Tigom sa mga Saksi ni Jehova

Sayra kon unsay among paagi sa pagsimba.